fbpx
December 08, 2022

Sesion informativo di AHATA tocante interpretacion di boletin meteorologico

Share on Facebook
Share on Whatsapp
0
0
Sesion informativo di AHATA tocante interpretacion di boletin meteorologico
Sesion informativo di AHATA tocante interpretacion di boletin meteorologico

Siguridad di nos bishitantenan y nos ciudadanonan ta un prioridad halto pa nos tur. Aruba Hotel & Tourism Association (AHATA) conhuntamente cu Bureau Rampenbestrijding Aruba pro-activamente a organisa un sesion informativo pa miembronan di AHATA. Topico tabata: con pa interpreta Aruba su alertanan di tempo y kico ta e acionnan cu mester tuma.

E ta sumamente importante pa compronde boletin y alertanan ora Departamento di Meteo emiti esaki y pa tin un procedura pa alerta personanan cu ta disfruta di laman. Sr. Rino Hermans, Director di Crisis Management Aruba, a guia e sesion unda miembronan di AHATA cu ta hospeda bishitante of ta ofrece actividad riba laman a ricibi informacion di kico ta e pasonan cu mester tuma ora ricibi e alerta y asina mitiga cualkier riesgo.

Ademas AHATA den dialogo cu Bureau Rampenbestrijding a sugeri pa simplifica e texto di e alertanan ora nan wordo emiti. Di e forma aki por sigura interpretacion corecto. Tur esaki cu meta pa yuda sigura e bienestar di nos bishitantenan.

AHATA ta gradici, e team di Bureau Rampenbestrijding Aruba pa e sesion informativo.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.