fbpx
December 06, 2022

Hospital cu charla pa informa su empleadonan riba coronavirus

Share on Facebook
Share on Whatsapp
0
0
Hospital cu charla pa informa su empleadonan riba coronavirus
Hospital cu charla pa informa su empleadonan riba coronavirus

Dr. Horacio Oduber Hospital e siman aki a organisa un charla pa empleadonan di e diferente departamentonan cu e meta pa suministra informacion corecto riba Coronavirus.

Dialuna anochi tabatin un sesion informativo den oranan di anochi cu a wordo duna door di Marije Hofstra, studiante Arts Microbioloog na Utrecht. E charla tabata pa tur esnan trahando den salud y cuido y a tuma luga na Cas di Cultura.

Puntonan cu a bini dilanti su charla tabata di e parti cientifico, loke ta conoci te awo di coronavirus, cu ta uno hopi nobo y desconoci pa hopi hende. A papia riba unda el a surgi, cifranan oficial cu tin aworaki di contagio y fayecimento. Pero mas cu tur cos e sintomanan cu esnan contagia ta presenta. Pa e profesionalnan d e ramo tabata masha importante pa mustra nan e desviacion ora di analisa e sanger di e coronavirus for di otro virusnan  y ki medida e trahadonan di salud tambe mester tuma pa limita mas tanto posibel plamamento di e virus.

Naturalmente, el a bisa, mester tuma e mesun precaucionnan cu ora un persona cu kier evita di wordo contagia cu griep normal, esta laba man bon y evita duna man na persona cu griep. Esnan cu tabata di biahe na paisnan unda cu tin casonan di coronavirus y bo haya griep, principalmente cu respiracion cortico, acudi na dokter y informe di esaki. Of pa miho yama bo dokter di cas y inform’e di esaki.Tur test pa coronavirus ta wordo manda Hulanda. Mas di e tipo di charlanan aki lo bay tuma luga den e proximo dianan.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.