Minister Plenipotenciario, sr. Guillfred Besaril a tuma nota di e “fake news†cu ta circulando riba e posibel cancelacion di Arubadag Festival 2020 pa motibo di e casonan di “Corona Virus†cu a cuminsa lanta cabez na Hulanda.
Minister Besaril ta cuminsa na señala cu ArubaHuis a tene bon cuenta cu e situacion reinante. Minister Besaril ta remarca: “Nos a sigura e evento den caso cu mester cancela esaki. Di es forma aki nos ta mitiga cualkier perdida financiero y ta duna nos mas espacio na hala e celebracion pa un otro fecha si esaki bira necesarioâ€. Ademas di e accion aki, Minister Besaril hunto cu e expertonan huridico di ArubaHuis lo sinta proximamente cu e autoridadnan regional apunta pa atende cu e enfermedad di COVID-19 pa e regio di Holland-Zuid.
