HEINEKEN ta presenta su ultimo innovacion, Heineken® 0.0, un cerbes lager sin alcohol, elabora cu un receta unico pa un sabor distintivo y balansa – y cu solamente 69 caloria den cada boter di 33cl.
Obtenibel inicialmente riba 14 mercado na aña 2017 y awor obtenibel tambe na Aruba. E marca su etiket iconico color berde a bira blauw – e color asocia cu e categoria di cerbes sin alcohol. E campaña integra di lansamento ta inclui un anuncio comercial na television, activacion digital y experiencial, ademas di promocion comercial interno y externo.
Heineken® su Maestronan Cerbesero a crea e cerbes nobo cu cero alcohol uzando unicamente ingrediente natural, loke a duna como resultado un cerbes elabora pa e amantenan di cerbes, door di e amantenan di cerbes. Willem van Waesberghe, Global Craft and Brew Master na HEINEKEN, a bisa: “Elimina alcohol di un Heineken® regular di 5% lo por tabata facil, pero esey lo no a ofrece e cerbes sin alcohol cu e miho sabor. Heineken® 0.0 ta elabora for di cero y e tin un sabor perfectamente balansa cu notanan di fruta refrescante y un body maltoso suave.â€
Gianluca Di Tondo, Director Principal di e Marca Heineken® Global na HEINEKEN, a bisa: “Como pionero den elaboracion di cerbes, nos ta comprometi na introduci producto nobo y innovativo pa satisface e necesidadnan di e consumido. E segmento di cero alcohol na Europa y Rusia a crece fuertemente entre 2010 y 2015. Nos expectativa ta cu e crecemento fuerte aki lo continua, impulsa pa bon innovacion den sabor, manera ya caba por a experencia na Spaña, Alemania y Austria. Nos ambicion ta pa lidera e desaroyo di e categoria aki den e mercadonan unda cerbes no alcoholico te ainda ta chikito, pero cu tin potencial di crecemento, cu un proposicion Premium.â€
Heineken® 0.0 ta duna e consumidor e posibilidad di scoge entre un variedad di ocasion pa bebe algo. E ta contribui tambe na e tendencia cultural creciente al respecto na e importancia di consumo di alcohol responsabel y di tin un estilo di bida balansa y saludabel.
