fbpx
November 27, 2022

Trudy Hassel di Guarda nos Costa: “Solamente ta implementa regla y ley di admision y expulsion”

Share on Facebook
Share on Whatsapp
0
0
Trudy Hassel di Guarda nos Costa: “Solamente ta implementa regla y ley di admision y expulsion”
Trudy Hassel di Guarda nos Costa: “Solamente ta implementa regla y ley di admision y expulsion”

Relaciona cu e caso di mama di dos yiu cu a keda deteni pa polis y treci Guarda nos Costa,  Trudy Hassell ta splica e otro banda di medaya.

Segun e comunicado, e persona concerni a drenta Aruba na September 2017 como turista pero e momento ey, e no a pidi asilo. Na inmigracion el a haya ocho dia pa e keda Aruba como turista pero despues e ta dicidi di no sali pero ta keda Aruba violando caba ley di admision y expulsion.

Despues di dos aña ilegal na Aruba, na October 2019 e ta haci aplicacion pa asilo cu a bay den e proceso. Na februari 2020 Cuerpo Policial durante un control di trafico ta detene e persona pasobra e no por a mustra cu e ta legal y ta mustra polis un rijbewijs di Venezuela. E señora a wordo hiba Guarda nos Costa y despues di investigacion di su caso ta sali na cla cu dia 26 di Februari 2020 e tabata sa cu a nenga su peticion pa asilo dia 7 di Januari 2020 y e no a bisa KPA esey e momento ey.

Dia 7 di Februari 2020, e señora ta haya un email cu su peticion a wordo nenga y dia 10 di Februari e ta haya un copia den su man cu su peticion pa asilo a keda nenga y e ta firma cu el a ricibi e copia. E persona aki no solamente a gaña Cuerpo Policial ora cu el a keda deteni pasobra e no tin asilo politico y momento cu el a wordo hiba Guarda nos Costa el a keda keto over di su peticion pa asilo politico.

Di parti Guarda nos Costa a traha un bevel van bewaring y despues a bay check su caso unda berdad el a haci un peticion pa asilo. Na e momento ey e señora no a informa Guarda nos Costa si el a haya un negacion di su permiso. E sra. a aparece dilanti Hues Comisario unda a pidi cu kier a wak for di DIMAS preto riba blanco e decision riba e peticion di asilo. Esey a wordo manda via email door di DIMAS pero a resulta cu e email no a wordo ricibi.

Hues Comisario di su banda a haya cu pasobra no a haya e “afwijzing beschikking” di DIMAS, e ta saca su conclusion cu e detencion ta ilegal. Na opinion di sra. Hassell e persona aki “ta burla di e leynan di LTU pa e keda Aruba. E señora aki sa masha bon cu a nenga su peticion pa asilo pero e ta manipula cu e sistema di LTU. Meta di e señora ta pa e keda Aruba y riba dje e tin dos yiu ilegal.”

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.