fbpx
December 02, 2022

Un asistencia trata cu cautela y dignidad di parti polis

Share on Facebook
Share on Whatsapp
0
0
Un asistencia trata cu cautela y dignidad di parti polis
Un asistencia trata cu cautela y dignidad di parti polis

Hopi biaha polis su presencia ta pa ordo y respet y den algun ocasion e ta pa resolve y asisti den situacionnan cu ta delicado y personal. Durante e dianan tras di lomba por a tuma nota di hopi problema den famia, agresion na hende muhe, problema entre bisiñanan y mas.

Tin biaha ta presenta esnan cu tin cu bay cu cautela y purba di sirbi e persona cu un poco mas pasenshi y dignidad mirando e situacion delicado cu nan ta aden. Nos pais igual na hopi rond mundo tambe tin man yen cu enfermedad mental cu no ta tur biaha ta manifesta den forma usual.

Diahuebs mainta a pidi presencia di polis dilanti parlamento pa un persona cu no ta mustra di ta compronde mucho bon kico ta pasando y na unda e ta encontra su mes. Cu un acercamento diferente e polisnan a purba comunica cu e persona y decifra un poco informacion cu por ta di ayudo pa su persona.

Despues di sigura cu e persona ta comodo y trankil a pidi pa transport’e pa Respaldo pa asina e haya e ayudo medico cu e tabata tin mester di dje. Por a compronde tambe cu den oranan di atardi e persona lo a regresa cu cas y ta spera cu su situacion lo mehora y cu tur esnan preocupa pa su salud por ta trankil cu nos Cuerpo Policial tambe lo pone un wowo mas atento riba dje y tur otro manera semper nan ta haci.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.