Anuncio: Famia di Pau Martijn cu un yamado na “Divers” boluntario

Den un comunicado dirigi na prensa y na comunidad riba rednan social, e Famia di Paulus ”Pau” Martijn a haci un yamado na “divers” boluntario pa uni nan mes un siguinte buskeda. Ta anhela cu por logra haya un cantidad sufiente grandi di divers pa un reunion y palabracion den un buskeda coordina y cu nan input y conseho.

Intencion pa un reunion di maximo urgencia na momento cu reuni sificiente boluntario. Di parti Famia ta boga pa trece tur hende hunto, pone  opinion y experencia riba mesa y hinca un group den otro cu un diving plan pa sali pa e buskeda. 

Un suplica ta bay na  tur cu kier forma parti di e grupo aki, cu tin experiencia y kier ta un boluntario pa tuma contacto mes ora. Ta bolbe reitera cu ta haci un apelacion na divers cu hopi experiencia mirando e seriedad di e caso y cu por tene na cuenta e condicion di lama pa evita cualkier situacion peligroso.

E motibo di e peticion pa boluntario 

Famia di Paulus “Pau” Martijn cu ta perdí ainda ta pidi yudansa pa lo siguiente:

Pa realisa un ultimo intento pa haya mas aclariacion riba e ultimo dive di Pau ta pidi yudansa di divers boluntario y certifica. Ta bin den mente e organisacionan di divers y tur otro divers.

Si bo persona/ organisacion ta sinti cu bo por forma parti di e grupo di boluntario, porfabor tuma contacto. Reunion lo tuma luga na Sero Pita #33, pa asina forma un plan pa haci un ultimo intento. Ta spera di haya suficiente boluntario mas pronto cu ta posibel pa asina reuní di biaha.