fbpx
November 29, 2022

Salanan sold-out pa premiere di Huicio Perfecto na The Movies

Share on Facebook
Share on Whatsapp
0
0
Salanan sold-out pa premiere di Huicio Perfecto na The Movies
Salanan sold-out pa premiere di Huicio Perfecto na The Movies

E prome tres salanan di The Movies @ Principal na San Nicolas tabata completamente bendi, di amantenan di bon pelicula cu a opta pa admira y sostene e pelicula “Huicio Perfecto” di Angelo Croes. E pelicula di 1 ora y 40 minuut a acapara hopi atencion y a haya bon comentario despues di e evento, cu a conta cu presencia tambe di Ministernan mr. Xiomara Maduro di Cultura y dr. Rudy Lampe di Enseñansa.

“Huicio Perfecto” ta produci y dirigi pa Angelo Croes. E grabacion y edicion di henter e pelicula tabata den man di Roy Croes, mientras cu Martin Buitenweg tabata encarga cu tur “side effect” y musicalisacion di e pelicula. Ta un pelicula graba na Aruba mes, cu artistanan local y cu sin duda lo causa un impacto ora mire den un sala grandi di pelicula.

Un publico grandi a presencia e premiere di Huicio Perfecto na The Movies

Un publico grandi a presencia e premiere di Huicio Perfecto na The Movies

Posted by 24ora on Friday, March 6, 2020

E trabounan rond di e proyecto aki, inicia na aña 2017, a inclui no menos di 30 actor di Aruba. Banda di e actornan tin mas di 100 figura local cu a participa activamente den e pelicula, cu ta graba den nos propio idioma, papiamento.

E pelicula “Huicio Perfecto” tin un duracion di 1 ora y 40 minuut, ta inclui escenanan romantico, accion, drama y hasta un poco humor. E ta conta e storia con Aruba a hunga un rol masha importante, es mas, tabata e yabi clave den mundo di petrolio. Pero, separa di e industria petrolero, tambe e storia ta encera un cartel criminal cu tabata bou di investigacion di un escuadron elite di Polis.“Huico Perfecto” ta un pelicula cu ta para pa su nomber, pasobra e ta contene escenanan den cual Bo ta haya bek tur locual Bo ta duna. Pues cu kico cu Bo haci den bida, e ta bin bek pa Bo…tardi of trempan!

Joylene de Nobrega, conoci den e pelicula pa e rol di “Nariana” ta yega The Movies @ Principal riba tapijt cora cu su tata.

A graba e escenanan na varios sitio riba nos isla, manera na edificio di Corte, den un hotel, den area industrial, den Marina Pirata Restaurant, den Franse Pas, na Fermin’s Bar, riba parkeerplaats di Do It Center na Shaba y mas.E elenco principal ta inclui Altoinspector di Polis (den bida real), Alvin Molina como Django Maduro, Gionathan Croes como un Polis Mendoza, Abigail Sanchez como Jessy, e conocido Manuel de Silva a hunga pa Max Harms, Stephanie Croes como psicologo Dr. Angela de Cuba, Alegandro Dirksen cu tabata Fiscal di Ministerio Publico, Luty Martinez como Hues, Egmond Molina como “Turco” y Joylene de Nobrega como Narianna.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.