Diadomingo den careda di 3:30 marduga patruya di Playa pasando banda di e barnan na Tanki Leendert a bay pa atende cu un homber riba brommer sin helm pero esaki a core pa e oficialnan riba un velocidad bay direccion nort pa rotonde Tanki Leendert. Polisnan no a sigui esaki y coriendo bayendo nort yegando rotonde Tanki Leendert e polisnan ta topa cu e brommer riba e rotonde kibra den dos pida.
Esaki ta indica e coredo di brommer tabata envolvi den un accidente pisa pero a listra rond di e rotonde wak si porta e por a bula cay otro caminda pero sin ningun resultado. A notifica specialista di trafico pa presenta pa haci investigacion pa si algo pasa ya tin rapport completo di e sucedido. Pero rato despues un homber ta yega un cas den area di Moko y Saliña pidiendo ayudo debi cu e ta herida. Tabata e homber riba e brommer a yega na dos cas pidiendo yudansa. Polis a yega y topa cu e victima y ambulance a presenta pa atende cune y a keda transporta pa hospital cu heridanan na su curpa. Famia a bin busca e resto di brommer.
