fbpx
December 01, 2022

Damanan di Arubus, Aruparking y Arutram a haya charla den coneccion cu celebracion di Dia di Hende Muher

Share on Facebook
Share on Whatsapp
0
0
Damanan di Arubus, Aruparking y Arutram a haya charla den coneccion cu celebracion di Dia di Hende Muher
Damanan di Arubus, Aruparking y Arutram a haya charla den coneccion cu celebracion di Dia di Hende Muher

Pa conmemora e lucha pa igualdad di genero, especialmente di e ser femenino, Arubus NV a organisa un charla pa su empleadanan. A trece hunto e personal femenino cu ta labora tanto na Arubus, pero tambe na Aruparking y Arutram, pa asina comparti un rato ameno, den colegialidad y semper recordando e esencia, lucha y perseverancia di e hende muher den nos bida.

E atardi a cuminsa cu un charla duna pa sra. Nadine Antersijn di Momax Trainings & More, kende a enfoca riba e lucha cu e ser femenino a hiba durante decadanan pa haya un trato igual den comunidad, y con awendia nos por ta testigo di evolucion personal y profesional di e hende muher den tur ambito. Nadine ta un profesional y entrepeneur, cu tin un famia pa atende, y asina mes e ta mantene su negoshi y ta consciente cu su bienestar personal mester keda un prioridad.

Tambe a conta cu presencia di sra. Desline Loefstok, cariñosamente conoci como Dess, kende ta un Make Up & Tattoo Artist profesional, cu na su 29 aña di edad ta doño di su mesun negoshi y na mes momento tin su casa y ta mama di 2 yiu muher. Dess a comparti su mesun storia como hende muher, pero tambe a duna guia di con e ser femenino mester duna tempo na su mes tur dia pa por mantene su mes como e pilar principal di su hogar.

Tabata un atardi sumamente ameno caminda e damanan di Arubus, Aruparking y Arutram a keda satisfecho di por a experiencia y comparti empoderamiento hunto.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.