Feliz dia internacional di hende muhe. Un dia special pa e ser excepcional den nos bida. Pabien na tur e hende muhenan riba nan dia awe, Minister Dangui Oduber a expresa den un mensahe specialmente pa e dia aki.
“Awe ta un dia pa reconoce e importancia di e hende muhe den nos comunidad y den nos bida diario. Nan tin rol fundamental pa nos tur y ta central di cada famia. Sin importa si ta un ama de cas, un docente, un secretaria, un asistente, un consehero, un housekeeper, un manager, un CEO of cualkier otro funcion den nos comunidad, cada un dama tin un responsabilidad hopi importante den su bida diario como ser femenino.
Nos mester gradici tur ser femenino aki pa nan contribucion na nos pais. Ami ta gradici tur e damanan aki den nos comunidad pa tur locual nan ta haci. Tur ser femenino ta mes importante.
Den mi bida diario tin hopi dama importante, cuminsando na mi casa, mi mama, suegra, tantanan, primanan, esnan cu ta yudami incondicional riba mi bureau. Tur masha danki,” e mandatario a bisa por ultimo.
