fbpx
December 07, 2022

Alliance Française cu koffiemorgen pa tur esnan cu stima e idioma Frances

Share on Facebook
Share on Whatsapp
0
0
Alliance Française cu koffiemorgen pa tur esnan cu stima e idioma Frances
Alliance Française cu koffiemorgen pa tur esnan cu stima e idioma Frances

Cafe Française ta un actividad cu Alliance Française ta tene tur prome diasabra di luna. Pa e motibo aki mes Erick Vink, presidente actual di Alliance Francaise Aruba, ta invita tur e personanan cu ta Francofono, cu ta sinti algo pa Frances, cu kier practica nan Frances, pa bin hunto.

E miembronan di e forma aki ta tene nan Frances na bida. Tambe tur hende ta dal un koffie, un sandwich y asina comparti e tempo cu otro.

Vink ta sigui splica cu awor  Alliance Française ta reorganisando henter e aliansa. Pa mas informacion por yama 5937784. Aki por tuma contacto cu Vink, pa haci un areglo pa mira con pa haci tramite si kier bira miembro of pa mas informacion.

Pronto lo bay tin un website. Alliance Française tin algo caba riba Facebook, pero ta e maneranan cu por tuma contacto cu nan.

Pa loke ta Frances mes, esey ta e obhetivo di Alliance Francaise, pa stimula e uzo di Frances.

Tambe e parti di e cultura di Francia y pakico. A resulta cu Frances aworaki ta e idioma na di dos luga. Despues di Ingles, Frances ta e idioma cu mas tanto hende ta studia. A kere sigur cu ta Chines, pero ta Frances.

Aparentemente tin un interes masha grandi mes. Tin mas di 300 miyon di hende cu ta papia Frances, cual no ta tiki. Pero di un manera of otro, e ta hala atencion di e hendenan.

Vink a agrega cu Alliance Française tabata tin por lo menos 4 pa 5 aña cu nan tabata drumi, pa motibo cu a perde dos persona cu tabata pilar grandi di e asociacion. Na momento cu nan a fayece, a sosode cu e animo a cay poco. P’esey ta haciendo e reorganisacion aki y por mira cu tin basta hende ta atendiendo.

Pa e hobennan tin otro programa pendiente. Lastimamente a haya sa cu Frances a wordo kita di HAVO. Ta na VWO so ta haya Frances. Mayoria di e hendenan cu ta bay VWO hopi di nan no ta keda Aruba. Ta haya un huida di idioma.  Pa esnan cu ta bay keda Aruba tin cursonan cu ta bay cuminsa aworaki.

Dia 6 di april lo bay tin cursonan basico un biaha mas di Frances. E cos interesante ta cu hunto cu e curso, e “fee” cu ta bay paga pa drenta, ta hacibo miembro di Alliance Francaise mesora. E ora ta wordo invita pa e koffiemorgennan pa bo por practica. E problema mas grandi di idioma ta practica. Hopi hende cu sa, cu tin un bon conocemento di Frances, no ta practica esaki, y ta bolbe bay atras. Kier rebiba e uzo di e Frances.

Ta cubri e necesidad di e hobennan tambe. Ta bay tin un club specialmente pa hoben. Asina cu cuminsa haya e hendenan den curso y haya e hobennan, lo bay scoge for di e personanan cu ta mira cu ta lidernan y hunto cu nan, lo forma e club di Alliance Française hubenil. Esey ta un di e maneranan cu ta bay fomenta esey.

Alliance Française cu ta concentra riba e idioma Frances, ta join e dos culturanan di Francia y di Aruba hunto, pero ta haci’e na Frances. Esey ta un forma agradabel, segun Vink. Ta invita tur hende cu ta interesa pa train un tiki mas nan Frances pa yama. Alliance Française ta cla pa hincabo den e grupo pa asina bo practica bo Frances.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.