fbpx
November 30, 2022

Pa di dos luna consecutivo: Ocupacion na hotelnan ta sigui baha!

Share on Facebook
Share on Whatsapp
0
0
Pa di dos luna consecutivo: Ocupacion na hotelnan ta sigui baha!
Pa di dos luna consecutivo: Ocupacion na hotelnan ta sigui baha!

Den cuadro di nan trabou como organisacion di turismo di nos isla, Aruba Hotel & Tourism Association (AHATA) ta acumula cifranan di ocupacion y prijs di hotelnan tur luna. Pa luna di februari 2020, Tisa LaSorte, e CEO di AHATA, a anuncia cu e ocupacion a baha atrobe, esaki ta prome cu efecto di Coronavirus riba nos turismo.

Ocupacion: E ocupacion na hotelnan a baha cu 2.5 punto compara cu februari 2019, yegando na 89.3%. Tres hotel so a experiencia crecemento den ocupacion. Februari ta normalmente e luna cu tin mas demanda cu otro lunanan den aña.

ADR: E balor averahe di cada camber (ADR) den februari a crece cu 2.1% compara cu un aña pasa, yegando $367.67. Por nota cu prijsnan ta normalisando. Desde e horcannan den region Caribense di september 2017, Aruba a experiencia crecemento consistente den demanda y ocupacion. Pa motibo di e extra demanda pa nos isla, e prijsnan tambe por a aumenta den 2018 y 2019. Den ultimo lunanan por a ripara cu e demanda a cuminsa nivela y prijsnan ta cuminsa baha bek.

RevPAR: E entrada averahe pa tur camber disponibel, na februari tabata $328.05 un reduccion di 0.6% compara cu un aña pasa.

Na lunanan di januari y februari, Aruba a experiencia reduccion den e ocupacion averahe na nos hotelnan. “Mientrastanto nos por spera mas reto grandi pa turismo den lunanan venidero, pa motibo di e efecto di Coronavirus COVID-19 riba biahamento mundial. Mayoria hotel ta ricibiendo cancelacion di reservacion pa e lunanan nos dilanti y e cantidad di reservacion tambe a cay. Ta esencial pa mercadeo internacional pa Aruba no solamente continua pero aumenta, pa por minimilisa perdida di entrada di turismo”, asina Tisa LaSorte di AHATA a duna di conoce.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.