fbpx
December 04, 2022

AZV: Exitoso evento Pal’i Muhe

Share on Facebook
Share on Whatsapp
0
0
AZV: Exitoso evento Pal’i Muhe
AZV: Exitoso evento Pal’i Muhe

Diabierna 6 di maart ultimo tabata un anochi masha special ora cu AZV hunto cu Penha Aruba a celebra e Dia Internacional di Hende Muhe cu e evento ‘Pal’i Muhe’. Aki ta unda hopi hende specialmente e hende muhenan a acudi na Penha Aruba pa participa na e seminarionan interactivo di e specialistanan medico. Igualmente e publico por a disfruta di varios snacks saludabel y haya informacion na diferente ‘booths’.

Programa interesante

E anochi a ranca sali cu presentacion di gineacologa, dokter Babet Latour, cu a elabora ampliamente riba cancer di matris y e uzo di anticonceptiva. Dokter Babet Latour a cautiva e publico presente cu e importancia di cuida nos adolescentenan pa un cierto tipo di Human Papiloma Virus. Siguientemente tabata dokter Karina Kelly na palabra, cu a mustra e participantenan riba e importancia di nutricion y movecion den nan bida diario pa asina evita e malesa di diabetes. Aruba Vision Center representa door di dokter Nicolas Ordoñez a presenta e importancia di uzo di bril di solo pa proteha e wowonan y e malesa di wowo ‘glaucoma’.

Tabata dokter Hendricus van Gaalen cu a finalisa e anochi. Cu e titulo di su presentacion “who’s mad?” dokter van Gaalen no a solamente logra capta tur atencion pero sigur laga tur hende hari ora mester a reconoce cu tin diferencia grandi entre con e hende muhe ta pensa compara cu e hende homber.

Otro actividadnan

Durante henter e anochi, e publico presente por a shop den Penha Aruba y bishita varios organisacion manera Aruba Vision Center (unda por a midi presion di wowo), Compra Aruba NV (cu presentacion di nan producto Crest), Hodgson Trading NV (unda por a purba un salada saludabel traha cu nan zeta di oleifi y vinager balsamico), studiantenan di EPI (cu a midi suco y presion) y AZV cu servicio pa yuda e cliente download e AZV app. Adicionalmente, e publico a haya tips pa bailamento tanto sinta riba stoel como para ta baila.

Gradicimento

AZV ta gradici tur organisacion cu a yuda haci Pal’i Muhe un realidad: Penha Aruba, Victoria Secret, MAC, Bath & Bodyworks, Crest (Compra Aruba), Aruba Vision Center, Hodgson Trading, Setar NV, Body Zone, Pandora Aruba, Glams, Rockstar Nails & Spa, Rejuvenate Spa Aruba, Super Do It Center, Romar Trading, Manrique Capriles, Baz-rrr Galleria & Brasserie, Lindy Lifestyle Boutique.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.