fbpx
November 27, 2022

Donacion di Quota club pa Hende Muhenan den Dificultad

Share on Facebook
Share on Whatsapp
0
0
Donacion di Quota club pa Hende Muhenan den Dificultad
Donacion di Quota club pa Hende Muhenan den Dificultad

Den cuadro di Dia Internacional di Hende Muhe diasabra ultimo Quota Club a
haci un donacion den forma di un wasmashin pa Fundacion Hende Muhe den
Dificultad.  Ta pa algun tempo caba tabatin necesidad pa un wasmashin nobo
den e cas unda hende muhenan, cu ta pidi asistencia, por hospeda. 

E coordinado sra Magaly Maduro a yama bon bini na e comision di Quota Club y
a duna un splicacion amplio kico e trabou di FHMD ta ensera. E comision di
Quota tabata consisti di Gwen van Trikt-Rojer, Farida Feliciana-Figaroa, Ivy
Simon-Hernandez, Rina Gonzalez y Noris van Lis-Donata. Nan tur a keda
impreshona di e gran trabou cu ta tuma luga den FHMD.  Miembronan presente
di e directiva di FHMD sra Sigrid Torres y Astrid Muller tambe a mustra nan
gratitud na Quota pa e bunita gesto pa alivia e trabou domestico den e cas.
E aña aki FHMD lo celebra nan 25 aña di existencia.
……………………………………………………………………………………………………………………………………………………………….

Riba un foto ta mira e comision di Quota cu a haci entrega di e wasmashin:
Gwen van Trikt-Rojer, Farida Feliciana-Figaroa, Ivy Simon-Hernandez, Rina
Gonzalez y Noris van Lis-Donata

Riba otro foto ta mira representantenan di FHMD hunto cu e comision di
Quota: Magaly Maduro, Sigrid Torres, Farida Feliciana-Figaroa, Ivy
Simon-Hernandez, Rina Gonzalez, Gwen van Trikt-Rojer, Astrid Muller y Noris
van Lis-Donata

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.