fbpx
November 29, 2022

Minister Chris Romero a reuni cu Representante Suplente di Hulanda na Aruba

Share on Facebook
Share on Whatsapp
0
0
Minister Chris Romero a reuni cu Representante Suplente di Hulanda na Aruba
Minister Chris Romero a reuni cu Representante Suplente di Hulanda na Aruba

Recientemente Minister di Transporte, Comunicacion y Sector Primario, sr. Chris Romero, a ricibi bishita di drs. David Abrahams, kende ta Representante Suplente di Hulanda na Aruba.
Durante e encuentro aki, Minister Romero a duna sr. Abrahams amplio splicacion di e Carteranan di Transporte, Communicacion y Sector Primario. A trece dilanti e plannan cu tin ariba mesa, cu ta entre otro: San Nicolas Ports, Fast Ferry, Setar, Arubus y algun otro departamento cu ta na encargo di Minister Romero.

Sr. Abrahams a duna informacion di su tareanan y su metanan como representante suplente di Hulanda na Aruba. Tanto Ministro Romero y sr. Abrahams a intercambia informacion y comentario ariba e situacion reinante di y na Venezuela, como tambe e consecuencianan cu esaki tin pa Aruba.

Tambe toca temanan di aviacion civil, entre otro e ICAO audit, e situacion di e Departamento Maritimo, e Departamento di Transportacion Publico, como tambe a papia riba e Compania Estatal Arubus N.V, den cuadro di transporte publico en general.

Durante e reunion aki a sondia posibilidadnan pa intercambio di experticio cu Hulanda ariba diferente area, entre otro Agricultura. Sr. Abrahams a menciona cu den cuadro di e “bijstandsverzoek”, Aruba por entrega peticionan na VNOA pa asistencia tecnico for di Hulanda.

Un encuentro unda cu a intercambia hopi informacion y a palabra cu ta keda den contacto den futuro, pa asina duna asistencia unda cu peticionnan keda haci. Sigur, un reunion hopi positivo y fructifero.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.