fbpx
December 04, 2022

Aruba a nenga crucero cu pasaheronan cu Coronavirus

Share on Facebook
Share on Whatsapp
0
0
Aruba a nenga crucero cu pasaheronan cu Coronavirus
Aruba a nenga crucero cu pasaheronan cu Coronavirus

E noticia cu a hala atencion awe mainta tabata esun di e cinco pasaheronan di e barco crucero MS Braemar cu a test positivo Covid-19. Mesora a haya informacion cu Aruba a nenga entrada di e barco crucero aki.

For di fuentenan fidedigno a compronde cu agencia di MS Braemar a pidi pa bini Aruba pa haci e testnan necesario. E liña di crucero mes a bati alarma, ora un hende cu tabata abordo recientemente, a test positivo pa e vírus, un par di dia despues cu a desembarca. Den e dianan cu a pasa, 4 hende cu ta riba e barco aworaki, a cuminsa haya sintoma di COVID-19. Por lo menos un di nan tabatin contacto cu e persona kende a test positivo. Esey ta e motibo cu a pidi autoridadnan di Aruba si e barco por yega e isla pa haci testnan necesario cu e pasaheronan, pero a nenga e permiso aki pa cual nan a bay Corsou. 

Segun por a compronde, despues cu a haci e testnan necesario, un biaha mas a pidi Aruba pa e barco bin mara na waf di Playa pa baha algun pasahero, despues cu nan a keda nabega den bisindario di Boneiro. Sinembargo autoridadnan di Aruba despues di consulta, a bolbe nenga entrada di e barco crucero aki, como medida di precaucion.

Aruba por medio di su team di crisis ta vigilando e situacion y tin un Protocol estableci con no solamente dokternan di cas pero cada instancia mester actua ora cu surgi casonan sospechoso.  

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.