fbpx
November 28, 2022

Aruba mester prepara pa atende cu coronavirus

Share on Facebook
Share on Whatsapp
0
0
Aruba mester prepara pa atende cu coronavirus
Aruba mester prepara pa atende cu coronavirus

Mundo ta consisti di 195 pais, cu un poblacion di 7.8 biyon persona. Di e cantidad aki, 1.3 biyon ta biba na China, pais unda cu coronavirus a cuminsa y cu a plama den tres luna di tempo pa mas di 100 pais.

Den un conferencia di prensa World Health Organization (WHO) a anuncia oficialmente cu e coronavirus a bira un pandemia. Director General di WHO, Tedros Adhanom, a bisa cu den e ultimo dos simannan e cantidad di casonan di COVID-19 (Coronavirus) pafo di China a multiplica cu 13 y e cantidad di paisnan afecta a triplifica. Miles mas ta luchando pa nan bida den hospital.”

Pero na mesun momento e ta un pandemia cu por wordo controla, inclusive casonan na China y Sur Korea ta bahando. “”Varios pais a demostra cu por wanta  y controla e virus aki. E reto pa hopi di e paisnan no ta si nan por haci’e pero si nan lo hacie.”

Cu casonan nobo identifica asina cerca di cas y Aruba siendo un pais turistico, nos mester ta prepara pa e virus. Mientras cu no tin un vacuna of cualkier otro remedi cu por trata coronavirus, mester uza e mesun tacticanan cu ta uza pa evita griep: Evita contacto di cerca cu personanan cu ta malo; no mishi cu bo wowo, nanishi y boca; keda cas si bo ta malo; limpia y desinfecta obhetonan cu ta uza hopi (celular); laba man regularmente cu habon y awa pa por lo menos 20 seconde, specialmente despues di bay baño of prome cu come.

Hunto nos por preveni Coronavirus….tanto di yega Aruba y si e yega mes, cu nos niun ta contagia cune pasobra nos ta bon informa y bon prepara.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.