Den oranan di merdia a sosode un accidente banda di Yen Yen Bar Restaurant na Noord, unda e victimanan di trafico tabata cinco cabrito / carne.
Polis a yega rapidamente na e sitio y a constata cu auto a dal diferente di e animalnan y di esakinan algun a keda tira riba y banda di caminda sin bida.
Riba e video por mira cu e animalnan tabata na e otro banda di caminda y dado momento a crusa caya na careda. E vehiculo biniendo di Playa tabatin bista y por a para na tempo. Sinembargo e auto bahando di Noord pa Playa tabata biniendo duro y na mesun momento e animalnan a crusa caya na careda su dilanti. El a dal y pasa riba algun.
Segun por a compronde, lo por tin algun mas cu lo a bay muri den mondi. E doño a presenta na e sitio y e vehiculo di Serlimar a recoge e curpanan pa deshaci di nan.
