fbpx
November 29, 2022

Betto Haayen: Den un aña cacho a mata casi 70 animal di su cria

Share on Facebook
Share on Whatsapp
0
0
Betto Haayen: Den un aña cacho a mata casi 70 animal di su cria
Betto Haayen: Den un aña cacho a mata casi 70 animal di su cria

Diamars manece diaranson un biaha mas cachonan agresivo a bula drenta un cunucu na Savaneta, cu ta pertenece na Betto Haayen, y ataca 11 carne / cabrito. Shete di e animalnan a muri di biaha.

Ta tristo pa mira e animalnan aki ataca di e forma feroz aki unda entre esnan cu a muri tin yiu di un carne cu tin apenas 3 siman bieu. Un di esnan cu a keda na bida no a keda cu orea pasobra e cachonan a morde nan kita afo y otro a keda cu un orea so.

“Mi no sa mas kico pa haci,” Betto Haayen a conta 24ora.com den un combersacion unda a mustra con su cunucu ta completamente cera. E cachonan, uno blanco y otro preto tabata eybanda caba un rato prome cu el a bay traha diamars anochi. “Pero mi no por a keda tira bista pasobra tabata laat caba y mi mester yega trabou 10.30,” el a conta. Mainta ora cu su turno a caba, den pura el a bandona trabou, pasobra henter anochi el a pasa ta pensa riba e animalnan, pa ora cu e yega e topa cu e bista mahos di diesun animal ataca ferozmente y masacra. Cuatro a keda na bida, pero Betto no tin speransa cu esey ta pa mucho pasobra e lesionnan ta demasiado grave.

Aña pasa caba cu su animalnan a wordo ataca pa cacho cu a pasa door di matanan di kwihi drenta paden, e no a haya sa kende ta e doño y awor tampoco e lo no haya sa kende ta doño cu ta laga su cachonan los. Y e no ta ni worry pa yama Polis, pasobra nan no ta haci nada of no ta ni presenta. Si el a bisa cu e biaha cu e topa cu un animal den su cura, e no ta para responsabel pa esaki.

Betto Haayen ta cria bestia pa hopi aña caba. Ta hopi placa e ta gasta na awa y cuminda, pasobra Aruba ta seco y for di aña 1983 no a mira no a mira un yobida grandi mas. El a conta cu su recibo di awa ta bini hopi halto, pasobra ora cu ta seco e animalnan ta bebe hopi awa. Y hopi placa e ta inverti tambe den cuminda pa su bestianan pa cachonan ta bula den su cura y mata su bestianan. El a finalisa bisando cu e no sa kico mas pa haci.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.