Heart-Centered Leadership Foundation a lansa su hala hubenil HC Youth Leaders. a wordo oficialmente lansa cu instalacion di su prome directiva hubenil y miembronan hoben.
lansa e club hubenil cu e intencion di por tin un fuente di informacion pa tur locual ta hobennan den nos comunidad pa asina por ahusta programanan
cu e fundacion ta ofrece na hobennan. Cu e hala hubenil, Heart-Centered Leadership Foundation ta traha riba su meta di inspira y empodera hobennan pa ta lidernan di curason cu ta inspira, sirbi y apoya otro hobennan pa ta ‘change-makers’ na Aruba. HC Youth Leaders su actividadnan ta enfoca riba e principio di ta ‘di hoben y pa hoben’. E actividadnan ta consisti di: HC Bon, unda e meta ta pa haci trabao boluntario. HC Consciente ta actividadnan pa conscientisa hobennan y resto di Aruba riba un topico, mientras HC Hunto ta momentonan pa hobennan bin hunto y traha riba un proyecto pa impacta comunidad.
E prome directiva di HC Youth Leaders ta consisti di 5 miembro; presidente di directiva Haddasah Lamarre, secretaria Xaui Thijsen, tesorero Nathan Tromp y miembronan di directiva Keilah Geerman y Uchenna Eugene. Ta di remarka cu e hobennan aki tur ta boluntario pa hopi aña cu Heart-Centered Leadership Foundation, unda nan a participa den seminarionan ofreci door di e fundacion y despues a sigui como boluntario asistiendo den diferente training, seminario y proyectonan pa hoben. HC Youth Leaders ta conta actualmente cu 10 miembro, di edad 15 pa 20 aña.
Desde cu e club hubenil a lansa oficialmente, HC Youth Leaders a cuminsa cu reunionnan general, unda nan a delibera y traha riba nan calendar pa 2020 cu ta encera nan plan pa actividadnan cu nan lo kier ehecuta pa e aña aki, cual ta inclui proyectonan cu e hobennan a haya cu mester pone mas atencion riba dje pa comunidad. Como parti di e meta di e club, e miembronan hoben a ricibi tambe un workshop tocante kico ta un ‘heart-centered leader’ unda a haya sa tocante e varios estilo di liderazgo y e importancia di ta un ‘heart-centered leader’. E weekend cu a pasa, den conmemoracion di Dia Internacional di Hende Muhe, e hobennan a realisa nan prome actividad cu ta cay bao di HC Consciente, unda nan a parti carchi cu mensahenan positivo pa empodera y inspira hende muhe riba nan dia.
Pa mas informacion tocante nos hala hubenil HC Youth Leaders y nan proximo actividadnan, por haya nos riba Facebook como Heart-Centered Youth Leaders y tambe riba Instagram como hcyouthleaders.aruba.
