fbpx
November 28, 2022

Loke B’a perde awe – Diaranson 11 di Maart 2020

Share on Facebook
Share on Whatsapp
0
0

Ichelle Oduber-Simon ta invitabo pa hunto repasa e noticianan mas importante di e dia di awe.

COVID-19 of Coronavirus con cu bo kier yam’e, esey ta e tema di dia un biaha mas na Aruba y internacionalmente …
Bon tardi, ami ta Ichelle Oduber-Simon. Esaki ta loke ba perde awe….
E ta confirma: Cinco caso pasahero abordo di e crucero MS Braemer na Corsou a test positivo pa coronavirus. Ta buscando un forma pa pasaheronan bay nan pais bek
Aruba a nenga entrada di MS Braemer dos biaha pasobra no tin forma pa isola of pone mas di mil pasahero den cuarentena.
Y nos ta sigui cu coronavirus. Organisacion Mundial di Salud a declara COVID-19 oficialmente un Pandemia. Pero tin speransa, si tur hende actua y no sinta warda.

Auto a dal cinco cabrito y carne mata awe na Noord. Nan a crusa caya na careda y auto a dal varios di nan.
Criado di bestia na Savaneta un biaha mas ta perde varios animal. Un cacho preto y otro blanco a bula drenta su cunucu y ataca 11 animal, di cual 7 a muri. Entre nan un carne recien naci.
Tanki di gas di “dive” a explota riba empleado. E cabayero a resulta seriamente herida y cu urgencia a hib’e hospital.
Accidente pisa cu victima pega den auto dilanti Club Arias na Savaneta. Un persona a keda seriamente herida.
Y den un toke mas suave, Pachi y Loloi a yega Aruba pa fiesta di comedia riba dianan 13 y 14 di maart. No perde e tremendo comedia aki.

Loke B’a perde awe – Diaranson 11 di Maart 2020

Loke B’a perde awe – Diaranson 11 di Maart 2020. Click e link pa mas https://24ora.tv/2Q82hdz

Posted by 24ora on Wednesday, March 11, 2020

Te aki nos edicion di Loke B’a Perde Awe….topa mi mañan atardi atrobe den un otro edicion. Corda download e app di 24ora y haya notificacion asina cu tin un noticia di ultimo ora. Nos ta prome den noticia

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.