fbpx
December 04, 2022

Confirma: Crucero a cancela biahe pa Aruba

Share on Facebook
Share on Whatsapp
0
0
Confirma: Crucero a cancela biahe pa Aruba
Confirma: Crucero a cancela biahe pa Aruba

Princess Cruises, cu ta un partner di Aruba tambe, a anuncia internacionalmente cu nan ta cancela tur nan biahenan pa e proximo dos lunanan, y lo corta algun di nan biahenan aworaki.

E decision aki ta bini despues cu dos di su barconan a confronta cu casonan di coronavirus. Esaki ta prome compania crucero pa para nan biahenan como resultado di coronavirus. E suspension ta referi na biahenan cuminsando 12 di maart te cu 10 di mei.

Princess Cruises ta di e compania Carnival Corp. E biahenan cu tin andando, faltando cinco dia so pa yega, lo continua. Pero esnan cu ta pasa e fecha di 17 di maart, ta wordo para.

Segun e schedule temporal, Aruba den e dos lunanan aki mester haya tres barco di Princess Cruises cualnan ta Crown Princess (e luna aki) y dos den luna di april cualnan ta Caribbean Princess y Pacific Princess.

Datonan di internet ta mustra cu e barconan tin respectivamente 3080, 3600 y 1500 pasahero respectivamente y acerca mester conta e casi 2 mil tripulantenan. Pues un total di casi 10 mil persona cu lo no yega Aruba como medida di precaucion.

E barconan crucero cu yega Aruba mester tin un certificado di salud di tur su pasaheronan. Esaki ta un exigencia cu Aruba a pone. Pues e isla a tuma medida di precaucion pisa pa evita entrada di Covid-19. Si despues resulta cu e certificado di salud no a cuadra, Aruba por haci demanda grandi.

Pa e momento aki no tin ningun barco cu a yega Aruba cu pashentnan sospechoso. Cada caso ta wordo analisa riba nan mes.

Otro paisnan

Ya caba otro paisnan, no compania crucero, a tuma medidanan similar. Ta papia aki specificamente di Cartagena, cual ciudad a dicidi pa cancela temporalmente yegada di cruceronan na e ciudad, memey di e accionnan pa trata di evita cu Covid-19 ta plama.

Despues cu diaranson a confirma e prome caso na Cartagena, Alcaldia a tene diferente reunion, special cu autoridadnan di salud y di waf, cu e meta di analisa y evalua e riesgo di plamamento di coronavirus.

“Debi cu cu Cartagena ta un ciudad cu vocacion portuario y turistico unda cu diariamente ta yega mas di 15.000 turista, e Gobierno den consulta cu alcalde y tur autoridadnan encarga, a tuma e decision di para entrada di e cruceronan na e ciudad temporalmente,” e alcalde a informa.

E instruccion cu a haya ta cu mientras cu no tin siguransa cu a wanta e malesa, ningun crucero lo drenta na Cartagena.

E medida ta drenta na vigor desde 12 di maart, ora cu tres crucero mester a mara den e waf. Ta trata di e cruceronan Emerald Prince, Aida Luna y Queen Victoria, cu 6.793 pasahero y 2.759 tripulante. E tres cruceronan aki mester a bini di  Panama, un cu turistanan Ingles y otronan di Alemania. E di tres crucero tin pasaheronan di diferente nacionalidad.

Riba e tres barconan aki ta biaha pashentnan cu aunke no a keda confirma si nan tin of no e coronavirus, tin varios cu sintomanan respiratorio.

Segun informa di waf di Cartagena, tabatin programa yegada di 45 crucero te cu 30 di juni, 2020; di acuerdo cu e proyeccion y ta papiando aki di 150.000 pasahero.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.