fbpx
December 02, 2022

Gobierno ta trahando hunto cu AHATA y ATA pa bin cu un plan di contingencia den caso di coronavirus

Share on Facebook
Share on Whatsapp
0
0
Gobierno ta trahando hunto cu AHATA y ATA pa bin cu un plan di contingencia den caso di coronavirus
Gobierno ta trahando hunto cu AHATA y ATA pa bin cu un plan di contingencia den caso di coronavirus

Aruba a yega di enfrenta varios crisis, entre otro 9-11, Natalee Holloway, World Financial Crisis. Tur e crisisnan aki tabata diferente. Por ehempel 9-11 si e Mericanonan no bin, lo enfoca riba otro mercado. Entre otro e mercado Europeo, Latino Americano, Asiatico.

Segun Minister Dangui Oduber, e crisis di coronavirus den tur sentido ta diferente. Simplemente e biahero no ta biaha mas. Door di e panico, e sensacionalismo, e infodemic, e miedo cu ta wordo hinca den mundo awor aki, e biahero ta dicidi cu e no ta subi avion.

Por ehempel un Mericano ta bisa cu na Merca e tin su cuido medico sigura. No ta bay un isla chikito caminda por ta tin duda den su sistema di cuido medico, cu no por garantisa cu por wordo trata.

E tendencia ey ta bin ta not’e y AHATA, na su luga, ta preocupa cu e situacion. Aruba ta depende completamente di turismo. Nos tin casi mas di 10 mil camber di hotel. Imagina un scenario caminda cu bo ta haya un lock down, manera cu a sosode na Italia.

Ta scenarionan cu tin cu tene cuenta cun’e pasobra el a pasa na Italia. Na Merca, manera cu e situacion ta, ta bisa cu Merca lo bira e di dos Italia. Ta spera cu esey no lo ta e caso. Presidente Trump por dicidi di lock down Merca tambe. E ora e economia lo wordo paralisa por completo.

Ta comparti e preocupacion cu AHATA y gobierno ta trahando hopi cerca cu nan, pa hunto bin cu un plan di contingencia.

Gobierno ta trahando hunto cu AHATA y ATA pa bin cu un plan di contingencia den caso di coronavirus

Gobierno ta trahando hunto cu AHATA y ATA pa bin cu un plan di contingencia den caso di coronavirus

Posted by 24ora on Thursday, March 12, 2020

‘Awor aki nos ta den un crisis. Despues ta bin un tempo di recuperacion y esey ta hopi importante con ta recupera di e crisis cu ta pasando aden. Hunto ta diseñando e plan. Tin un plan caba di ATA di contingencia. Lo haci peticion na e board di ATA pa duna aprobacion na e Emergency Fund, cual ta un fondo cu ta acumula den transcurso di añanan pa den caso di calamidad haci uzo di e fondonan aki. Ta preparacionnan cu ta haci pa prepara Aruba riba e impacto cu ta bin.

Gobierno tin un bon comunicacion cu AHATA y ta comparti nan preocupacion pa hunto sali for di e crisis aki cu na final di dia ta bay afecta no solamente Gobierno, e ta bay afecta nos economia, e ta bay afecta cuponan di trabao, e ta bay afecta e sector hotelero, e ta bay afecta restaurant, e ta bay afecta transporte publico.

E efecto por ta devastador, pero “ohala esey no ta e caso”, segun e mandatario. Pa algun luna caba ta trahando riba un posibel vacuna. A wordo informa cu dentro di un luna esey lo wordo getest y ta cla. Ta spera cu esey ta e caso. “Pa nos na Aruba ta importante pa nos ta bon prepara. Si en caso presenta un situacion caminda cu tin un persona cu e virus, con ta contene esaki pa mas hende no wordo contagia y garantisa cuido na tur nos ciudadanonan.”

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.