Bogotá a keda cubri di color blanco despues di un yobida fuerte di granizo cu a sorprende e habitantenan di e capital. Atrabes di rednan social, e usuarionan a raporta e fenomeno, publicando un cantidad di potret. Ya caba na 2019 tabatin un caida di granizo pero e biaha aki e tabata mas fuerte.
Diamars tabata e di dos biaha den un siman cu e yobida aki a causa alertanan na Colombia. A raporta un yobida impactante den forma di granizo for di varios area di e capital Colombiano cu a laga varios careteranan importante tapa y sin cu por trafica eyriba.
E granizonan a cambia totalmente e imagen di e ciudad cu tabata parce ciudad di un pais cu un invierno blanco. Despues di esaki, plasnan grandi di awa a stroba pasada di vehiculonan riba e principal camindanan.
