Diahuebs mainta alrededor di 8or ta sosode un accident net na e Crusada na unda tabata un pomp station na Lagoen.
E vehiculonan envolvi ta un Nissan March y un Chevrolet Tahoe. E Chevrolet coriendo riba caminda di preferencia a keda sorpresa ora cu e señora den e Nissan March a yega na e crusada no a paga tino bon y bay dal den e Tahoe.
E chauffeur femenino di e Nissan March tabata keha di dolor den pecho. Personal di Ambulance a bin na e sitio pa asina haci un checkup riba e señora eynan mes. E Nissan March a haya un tiki mas daño material na dje compara cu e Chevrolet Tahoe.
