fbpx
December 01, 2022

Oficina di Prevencion di Calamidad: Parlamento sa cu Aruba ta prepara pa un eventual caso di coronavirus

Share on Facebook
Share on Whatsapp
0
0

Tur crisis ta wordo coordina for di Oficina di Prevencion di Calamidad, no ta importa e tema. Coronavirus ta un malesa infeccioso cu ta wordo coordina como un crisis y awo el a bira un pandemia segun director di e departamento menciona. Rino Hermans.

Eynan e rol di coordinacion multidisciplinario ta bin aden. E papel di nan oficina ta pa conseha gobierno basa riba e plannan pa Aruba. E ta plannan cu a test caba. Gobierno por aloca fondo pa prepara e dienstnan miho pa esaki.

Oficina di Prevencion di Calamidad: Parlamento sa cu Aruba ta prepara pa un eventual caso di coronavirus

Oficina di Prevencion di Calamidad: Parlamento sa cu Aruba ta prepara pa un eventual caso di coronavirus

Posted by 24ora on Thursday, March 12, 2020

Aworaki ta den e fase di informa parlamento con bon prepara nos ta. E ta keda un preocupacion. Nos economia ta turismo, segun Hermans.

Coronavirus por bay wordo importa via puertonan di entrada. Ta bezig ya na di dos liña di mitiga. E prome liña di defensa tina na su luga for di cinco siman pasa. Awo ta bezig cu e di dos liña di defensa y ya probablemente ta trahando riba e di tres liña di defensa.

Tin hopi di e cosnan aki cu no ta bay den prensa cu nan, pero por confirma cu ta trahando den e ultimo seis simannan aki pa loke ta coronavirus. Hermans a menciona cu e vision cu Oficina di Prevencion di Calamidad a expresa ta pa laga Aruba ta e ultimo isla cu e boton cora den Caribe. No mester ta na di tres, ni di cuater of di cinco. Sino e ultimo. Basa riba esaki ta trahando riba e di dos liña di defensa, pa asina logra e mision pa ta e ultimo isla pa haya coronavirus riba dje.

Aruba ta full cla

Por bisa cu Aruba ta full cla pa un caso di pandemia. Aworaki un pasahero mester bin cu coronavirus of tin sospecho, tur sinergia ta coordina pa tur dienst traha hunto. Tur cos ta cla, segun Hermans.

Aworaki door cu no tin ningun riba e isla, cada 48 ora ta revisa e plan, adapt’e, tur cos ta in place y pa laga pueblo ta trankil, tin un capacidad awor aki di 49 isolacion. Esey ta nifica cu na momento cu yega di 50, por papia di un crisis na Aruba cu el a cuminsa pasa e capacidad.

Pa awor aki Aruba ta bon prepara pa e prome impactonan di dje. Hermans ta trankil y conociendo kico tin haci caba, por pidi pueblo pa keda trankil. Berdad tin hopi cos no ta sali den media, pero no ta un plan cu tin cu bay propaga.

Si sa cu tur cos ta bon prepara. Awe Parlamento a haya un bista con bon prepara Aruba ta. Pais grandinan mes tin retonan grandi. Aruba tambe tin reto, pero tin tur cos na su luga cu por bisa cu te aki ta e capacidad di mantene y cu e vision di ta e ultimo isla den Caribe pa haya e boton cora riba dje cu tambe tin un index.

Evaluacion di scenario

Hermans a sigui splica cu tin loke cu ta yama den e plan di contingencia, e weerstandvermogen. Esey ta loke ta PPA, pañanan di proteccion di e First Responders. Lo bay yega un momento cu por ta no ta bay tin derecho di importa cos mas.

Tin un resistencia na Aruba di cuminda, loke tabata un di e preguntanan di Parlamento. Tin un resistencia cu no ta algo cu mester drenta den panico di biaha. For di Oficina di Prevencion di Calamidad, no ta mira ningun scenario cu Aruba no ta prepara riba dje.

E mester ta cla si cu no por evita cu e ta yega Aruba. Si tin un weerstand te cu 50. Despues di 50, mientras tanto cu e prome yega, ta cuminsa saca e otro plannan tambe. E otro plannan t’ey tambe caba. Tin scenario 1 te cu 5 describi.

Y e parti di mas importante, gobierno a pone e parti financiero disponibel pa Oficina di Prevencion di Calamidad, por tin tur dienst prepara riba un nivel cu por deal cu e situacion aki.

Cifranan

Tin varios pais cu ta papia di un porcentahe di riesgo cu ta adulto grandi y tambe hendenan hopi hoben manera baby y mucha. Segun Hermans, ta purba di wanta e cifranan interno. Na momento cu sa cua ta e porcentahe di risico, pa bise publicamente ta crea un panico, loke no ta e intencion.

Pero e porcentahe no ta dje halto ey manera un Italia cu a experencia su porcentahe con halto e ta, di e grupo di riesgo. Na Aruba tin un grupo di riesgo. Rampen Bureau tin preocupacion p’esey, pero tin un plan cla traha pa esey. Pero e porcentahe no ta manera cu a perde control riba dje.

Situacion na Corsou

E crucero cu coronavirus na Corsou tabata un close call y Oficina di Prevencion di Calamidad tabata na altura di e situacion aki. Segun Hermans, nan tin un close call casi tur dia. Ta p’esey ta bisa cu e vision ta pa ta e ultimo boton cora den Caribe. Tabata monitor e situacion pasobra su port of call tabata Aruba y despues desvia bay Corsou.

Pero tin’e di cerca. E relacion di comunicacion entre Desaster Managers y dokternan den region y mundialmente, ta riba un base basta frecuente. No solamente na Aruba, pero mundialmente ta haya sosten di tur hende.

Cualkier cos cu nan experencia cu por trece cambio den e maneho, El a bisa cu nan departamento ta wordo poni na Aruba. P’esey cada 48 ora tin un reunion di e team di maneho, pasobra e team di maneho por ta ta prepara asina grandi, siendo cu tabata tin cambio den patronchi cu por adapta.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.