fbpx
December 08, 2022

Prome Minister Evelyn Wever Croes a bishita Scol Paso Pa Futuro

Share on Facebook
Share on Whatsapp
0
0
Prome Minister Evelyn Wever Croes a bishita Scol Paso Pa Futuro
Prome Minister Evelyn Wever Croes a bishita Scol Paso Pa Futuro

Bishita na scolnan basico di Prome Minister Evelyn Wever-Croes relaciona cu celebracion di nos dia nacional, Dia di Himno y Bandera, a cuminsa e siman aki, algun dia prome cu nos dia nacional, Dia di Himno y Bandera. Cabesante Juffrouw Zelda Steenen y muchanan di Scol Paso Pa Futuro diahuebs mainta tempran cu hopi entusiasmo tawata warda yegada di Prome Minister na nan scol. Prome Minister a ricibi un bunita boket di flor geel for di e alumno Andreina den nomber di e scol.

Prome Minister cu mesun entusiasmo, a tuma tempo pa conta e muchanan tocante nos Dia di Himno y Bandera. Ta importante pa tur mucha sa tocante nos Himno y nos Bandera cu ta identidadnan di un pueblo respeta.

Ta di admira cu nos scolnan ta pone asina tanto tempo pa prepara nos muchanan pa celebra nos Dia di Himno y Bandera pa asina eleva nos himno y nos bandera. Prome Minister a keda hopi impresiona cu e esfuerso haci pa Scol Paso Pa Futuro. Muchanan cu hopi interes a scucha y interactua cu Prome Minister kende a regala e muchanan un booklet cu imformacion di nos Himno y nos Bandera y un pamfelt di Competencia Escolar di Pintura. Muchanan mester pinta y corta e pintura riba e liña indica y entrega esaki na scol prome cu 27 di maart 2020.

Prome Minister a laga un conseho atras pa muchanan di Scol Paso pa Futuro: “Cualkier coa cu bo haci den bida, bo mester haci bo best pa logr’e”.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.