fbpx
November 29, 2022

Renaissance Marketplace ta presenta ‘BIBO’ pa 2 dia di celebracion Himno y Bandera

Share on Facebook
Share on Whatsapp
0
0
Renaissance Marketplace ta presenta ‘BIBO’ pa 2 dia di celebracion Himno y Bandera
Renaissance Marketplace ta presenta ‘BIBO’ pa 2 dia di celebracion Himno y Bandera

Aruba ta pendiente pa celebra su Himno y Bandera y specialmente pa e ocasion aki Renaissance Marketplace lo organisa un evento titula, BIBO! Musica, dushi cuminda, baile y arte- tur den 2 dia di festival! E espirito artistico Arubano lo ta centro di atencion y via di esaki lo ofrece comunidad di Aruba un evento realmente unico. Dos artista Arubano lo crea un ‘outline’ riba un muraya di manera cu bishitantenan lo por pinta esaki riba dianan 17 y 18 di maart venidero y duna e arte bida.

Un mural cu un nificacion nacional:
Di acuerdo cu representante di Renaissance Marketplace, e idea pa e mural ta debi cu rond mundo comunidadnan ta expresa nan cultura, y vision pa nan pais riba mural(nan) grandi. Ta e deseo pa Aruba haci esaki riba dianan 17 y 18 di maart den ‘BIBO’. Ta e intencion pa e festival ta un experencia unico pa tur cu lo forma parti di dje. Colornan vibrante lo keda uza pa duna e dibuho bida y di e manera ey inmortalisa e esfuerso di tur cu a coopera pa haci e mural un obra di arte. E echo cu ta haci’e riba dia di nos Himno y Bandera ta dun’e un nificacion adicional ya cu esaki lo mester ta un esfuerso nacional.

Aruba ta bon bini na BIBO: 2 dia, 2 banda, 1 celebracion!
Ambiente di Himno y Bandera ta cuminsa ya for di dia 17 di maart parti anochi cu presentacion di Grupo di Betico y dia 18 di maart lo tin presentacion di Rincon Boyz, combina cu bailenan folklorico, diferente actividad pa mucha, un Dino Jump, suikerspin y popcorn pa tur mucha pasa un rato contento cu nan mayornan. E mural lo keda exhibi den e ‘gang’ di Renaissance Marketplace. Tur hende ta keda invita pa haci e festival un exito total. Lo tin verf disponibel pa tur cu kier forma parti di historia riba dianan 17 y 18 di maart. Lo cuminsa pa 5’or di atardi y ta programa pa termina 10:30 di anochi. Renaissance Marketplace ta invita comunidad di Aruba pa haci un paseo, sinta y come platonan autentico Arubano na un di e diferente restaurantnan den Renaissance Marketplace y disfruta di un dushi ambiente den famia.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.