Prome cu 12’or di merdia automobilistanan a spanta na momento cu nan a presencia un accidente entre auto y un brommer na e rotonde di Bushiri.
E motociclista coriendo riba e rotonde a perde control y a dal den un auto. El a cay y a sufri hopi rasca na diferente parti di su curpa. Na momento di e accidente e tabatin helm bisti.
Aunke cu e tabata cana y tabata mustra bon, Polisnan a dicidi di yama Ambulance pa motibo cu a constata cu no tabatin solamente rasca superficial pero algun tabata profundo. E mes no tabata kier a bay cu ambulance, pasobra e tabatin cos di bay haci. Pero finalmente a logra convence cu tabata pa su mesun bon.
