Bin celebra hunto cu bo sernan keri nos dia nacional di Himno y Bandera na Museo Arqueologico Nacional Aruba (MANA). Riba e dia special aki publico por bishita e exposicion permanente di arkeologia Arubano y e exposicion temporario “Caribbean Ties” di 10’or di mainta pa 2’or di merdia. Alabes Club Kibrahacha lo ofrece exposicion y actividad cu e tema di “Sweet old memories” .
Cu e tema aki Club Kibrahacha ta recorda e dushi tempo di antes den forma di un exposicion di pintura y mas. Ta trata di pintura riba canvas di paisahe di Aruba pinta door di miembronan di Kibrahacha, bunita obra di man y 26 potret di Aruba su naturalesa unico. Club Kibrahacha lo ofrece un “Kids’corner” y entretenimiento.
Atraccion special cu Club Kibrahacha lo trece ta 5 grupo di caha di orgel, situa diferente caminda den MANA. Lo por saca potret y disfruta di e bunita musica di cahanan di orgel. Grupo di danza aruba lo duna un bunita presentacion di baile entre 12’or – 1’or pm. Club Kibrahacha lo tin un skina di tur sorto di cos dushi tipico, manera dulce de leche, pan boyo y otro pa asina recauda fondo pa nos grandinan. Club Kibrahacha su meta ta pa demostra cu nunca ta laat pa siña algo nobo.
Fundacion 1403 lo ta presente pa bende e ultimo publicacion cientifico den e serie di MANA esta “The Archaeology of Aruba; The Pictographs and Petroglyphs. Tur esaki lo sosode entre 10’or di mainta pa 2’or di merdia cu excepcion di Chichi Snack cu lo ta presente e dia special aki te cu 6’or di atardi cu su festival di cuminda crioyo. Asina por brinda publico e oportunidad di disfruta di un dushi cuminda crioyo na Museo Arqueologico te atardi.
Chichi Snack lo ofrece publico dushi cuminda tipico manera concomber stoba, cabrito stoba, pisca hasa y sin falta su famoso BBQ, un manera di cushina cu ta data di nos antepasadonan cu a inventa e barbacoa. Pa mas o menos 12:30 pm e caravana di autonan clasico di Aruba Muscle Car Club lo yega MANA unda tin e oportunidad pa admira nan.
Gustosamente ta invita un y tur pa bin pasa un dushi rato riba nos dia nacional di Himno y Bandera na Museo Arqueologico Nacional Aruba. Entrada ta gratis. Bini un, bini tur!
