fbpx
November 30, 2022

Mario Maduro a fayece despues di explosion di Palm Beach Divers

Share on Facebook
Share on Whatsapp
0
0
Mario Maduro a fayece despues di explosion di Palm Beach Divers
Mario Maduro a fayece despues di explosion di Palm Beach Divers

Diaranson un boter di oxigeno a rementa ariba un persona banda di Hadicurari. E tabata trahando zwart na Palm Beach Divers.

E victima ta Mario Pascual Maduro naci na Aruba di 53 aña.
Su situacion tabata hopi critico. A bay cune hospital. Dokter a bisa mesora cu e fracturanan ta serio y e mester wordo manda exterior cu urgencia. Tambe a bisa cu e lo no bay cana mas. E weso di lomba etc a garna full.

Mientras cu tabata haci e preparacion pa e bay Colombia diahuebs, su situacion a empeora y te hasta a bay den coma. Asina mes a logra pa e bay Colombia. Famia a cera placa pa su documentonan. Diabierna mainta e noticia a drenta cu Mario a fayece.
Den henter e proceso e doño di e negoshi di Palm Beach Divers a laba man. E tabata tin Mario Maduro trahando zwart. El a distancia di e famia di Mario Maduro y bisa cu e no ta banco y no lo yuda. Hasta a paga su telefon. Na prome instante famia a pidi pa yudansa pa paspoort y documentonan pa e por a biaha urgente.

E doño di e negoshi di Dive a nenga. Awor Mario a fayece mainta na Colombia y e lo keda tambe riba su consenshi. Mario Maduro tabata biba riba caya y tabata traha of yuda diariamente banda di beach y na e luga di Dive tambe. E tabata wordo paga. Awor ta tende cu mescos cu na e Dive Cenrer aki, tin hopi otro trahador mas na Beach trahando zwart pa un of mas watersport. Un bon chens pa SVb y esnan encarga cu labor bay atende. Nan ta djis paganan zwart y cla. Hopi forsa na famia Maduro cu a perde nan ser keri den un forma inespera.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.