Dia 16 di maart venidero, Tropical Bottling Company lo bolbe habri nan servicio di Carry Out na San Nicolas despues di algun aña. Manera custumber, na Balashi tin e planta di Tropical Bottling Company, y na Oranjestad den LG Smith Boulevard tin servicio di Cash & Carry obtenibel caba, pues awor esaki ta bini San Nicolas bek unda clientenan lo por bin cu bo auto, piki producto di Tropical Bottling Company manera refresco, cerbes, malta, awa, y un gran variedad di producto na benta.
Esaki lo habri bek na San Nicolas den planta bieu di Victoria, net banda di oficinanan di ATCO cu orarionan den siman [Dialuna pa Diabierna] di 9am-12pm, y 1pm-6pm, Diasabra 9am-1pm, na unda e servicio aki awor lo ta mas cerca pa esnan den area di San Nicolas, Savaneta y Pos Chikito.
Boternan bashi por wordo regresa tambe y clientenan ta ricibi cash 0.20 cent pa cada boter. Pa clientenan cu tin negoshi, cu ta haci compras cerca Tropical Bottling Company caba, por tin e servicio aki obtenibel awor na San Nicolas pa diferente productonan cu nan por cumpra riba nan cuenta of cash. Esaki ta un extension di Tropical Bottling Company na San Nicolas pa asina ofrece e clientenan un servicio mas cerca di nan, pero tambe na consumidornan cu tambe por bay eynan y haci compras facilmente tambe. Esaki tambe ta den conexion cu e vision di Metacorp pa asina sigui na expande den San Nicolas y stimula nos economia local.
