Referiendo na e informacion cu oficialmente tin 2 caso di Coronavirus confirma na Aruba y tumando en cuenta cu e desicionnan cu a keda tuma pa Gobierno pa actividadnan publico, Arubaanse Voetbal Bond ta tuma decision cu:
Tur wega y actividad di futbol bao auspicio di AVB ta cancela cu efecto inmediato, entrante awe diabierna 13 Maart 2020 te cu diamars 17 Maart 2020. Esaki ta valido pa tur categoria y pa tur division.
Arubaanse Voetbal Bond lo ta en contacto estrecho cu autoridadnan concerni y lo sigui e desaroyonan den e oranan nos dilanti pa e asina por tuma decisionnan debido.
Entrante dialuna 16 Maart 2020, Arubaanse Voetbal Bond lo informa tur clubnan miembro di e siguiente pasonan cu lo wordo tuma.
Sperando di a informa boso debidamente, nos ta termina cu un cordial saludo.
