fbpx
December 04, 2022

Coronavirus: Sindicatonan ta boga pa mas solidaridad pa trahadonan

Share on Facebook
Share on Whatsapp
0
0
Coronavirus: Sindicatonan ta boga pa mas solidaridad pa trahadonan
Coronavirus: Sindicatonan ta boga pa mas solidaridad pa trahadonan

Ademas di gremionan comercial, awe gremio sindical tambe a atende na e reunion cu Gobierno a yama cu caracter di urgencia pa trata e tema di Coronavirus y su consecuencianan. Tanto Hubert Dirksz di Federacion di Trahadonan di Aruba (FTA) como Magaly Brito di Sindicato di Empleadonan Publico y Priva di Aruba (SEPPA), a sali di e reunion toch satisfecho cu ta atendiendo cu e preocupacionnan.

Magaly Brito a sinti cu e reunion a bay den un bon ambiente y e tema trata tabata specificamente Coronavirus, a papia di e preocupacionnan den tur e sectornan (laboral y di comercio). Tur esaki tabata pa e Minister di Laboral por haci su recomendacionnan na su coleganan den Conseho di Minister.

Coronavirus: Sindicatonan ta boga pa mas solidaridad pa trahadonan

Coronavirus: Sindicatonan ta boga pa mas solidaridad pa trahadonan

Posted by 24ora on Saturday, March 14, 2020

E situacion for di momento cu a anuncia dos caso di Coronavirus, a haci cu e hendenan a bira hopi preocupa. E ta kere cu tin aspecto cu mester tin claridad riba tur posibel scenario y kico pa haci, pa tur hende ta prepara. E ta haya cu mester cana adelanta, principalmente ora cu retironan cuminsa cay. Mas ainda si e grupo aki ta grandi, pasobra e lo trece su problemanan social pa Aruba tambe. “Nos ta contento cu Minister ta tuma nota di e situacion y ta buscando solucion,” e sindicalista a bisa.

E tema di CAFT no ta algo cu a discuti riba dje, pero Brito ta haya cu e tema di finanza mester bini na discusion. Y mester ta preocupacion si hendenan cuminsa perde trabou. P’esey ta importante e trabou awo cu e Minister di Laboral y Asuntonan Social.

Magaly Brito, Secretario General di Sindicato SEPPA, cu ta representa e gran mayoria di empleadonan publico na nos isla. E ta para banda di Edmundo Marlin, Vice Presidente di SEPPA durante un entrevista cu nos colega Brian Koolman para dilanti edificio di Conseho di Minister.

Hubert Dirksz (FTA) di su banda a bisa cu e idea di e reunion ta algo cu e ta di acuerdo cun’e, pa pone sindicatonan y doñonan di trabou hunto pa atende decisionnan cu Gobierno y dunadonan di trabou mester tuma den e crisis. Ocupacion di hotelnan a baha drasticamente y lo sigui baha. Tin hotel, segun pronostico, lo baha te na 20% den e dos lunanan cu ta bini awo. Esey lo tin su impacto riba e trahadonan, Dirksz a splica. “Mi ta kere cu den un situacion asina, no mester empeora esaki. Esnan di lomba mas hancho mester duna di nan banda. Tanto companianan manera WEB, Elmar, Banconan mester contribui cu e trahado- y empresanan cu ta den un situacion dificil. Un break di belasting, ta cosnan cu mester tin flexibilidad y comprension di tur banda,” Dirksz a bisa.

Hubert Dirksz ta Presidente di sindicato Federacion di Trahadonan di Aruba (FTA) y ta representa e gran mayoria di trahadonan den sector priva riba nos isla. Specialmente e industria di HORECA ta e grupo mas grandi di nan miembronan, precisamente e grupo cu awor ta bou di hopi presion laboral debi na retironan masal.

Esunnan cu ta cobra salario mas abou cu wordo manda cas, lo trece un problema mas serio. Ya caba tin un comportacion di panico, saliendo gastando placa na compras. Y si perde trabou ta haci e situacion mas serio. E ta haya cu mester yega na un consensus pa decisionnan a corto plaso y sigui vigila e situacion pa loke ta bini. E situacion por dura mas cu un aña y pa recupera bek di un solo pilar economico cu ta turismo, lo ta hopi dificil, segun e sindicalista. Por baha oranan di trabou, pero e trahado no por perde su poder di compra. Pesey WEB, Elmar y banconan mester coopera di nan banda pa ta mas flexibel.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.