fbpx
December 01, 2022

Omar Tromp (KVK): Awor no ta ora pa introduci Reforma Fiscal!

Share on Facebook
Share on Whatsapp
0
0

Diasabra den oranan di mainta Conseho di Minister a reuni cu gremionan comercial y sindical riba e consecuencianan di Coronavirus, mirando cu a cuminsa experencia retironan masal caba. Y por spera cu e situacion lo sigui empeora den e dianan nos dilanti! Omar Tromp, Vice Presidente di Camara di Comercio, tabata un di esunnan presente na e reunion yama door di Minister di Labor Glenbert Croes riba e forma con pa atende cu e situacion laboral cu ta bini despues di Coronavirus.

Omar Tromp a bisa cu tin empleadonan manda cas caba y esaki lo sigui. E ta algo cu e mandatario tabata kier mira con ta bay atende cu e situacion a termino corto, pa evita mas problemanan social. E reunionnan lo sigui den e dianan nos dilanti, el a bisa. Pero pa awo a papia pa bini cu un fondo special pa yuda e empleadonan afecta, pasobra di un manera of otro nan mester sigui biba.

Camara di Comercio: Awor ta ora pa uni pa surpasa e crisis rond di Coronavirus

Camara di Comercio: Awor ta ora pa uni pa surpasa e crisis rond di Coronavirus

Posted by 24ora on Saturday, March 14, 2020

Pero comosifuera poco, net memey di e crisis rond di Coronavirus tin tambe e intencion di bin cu e di dos buelta di Reforma Fiscal pa por balansa Presupuesto 2020. E comerciante, cu alabes ta den directiva di Camara di Comercio ta desconseha Gobierno pa sigui cu e plannan aki. “Esey lo caba di mata e tiki cu e resta di comercio ainda”.

E situacion ta cambia continuamente, pa cual mester sigui monitor e situacion diariamente. Diahuebs por ehempel tabatin un situacion diferente cu esun di diabierna, ora cu a bini e situacion cu tin dos caso confirma.”Gobierno a haci di su banda, saliendo afo bisando claramente cu tin e dos casonan confirma. Pero awo mester wak nos dilanti con ta bay atende cu e situacion cu a presenta su mes.”

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.