fbpx
November 28, 2022

Coronavirus: A cuminsa horta material pa cuido na Hospital

Share on Facebook
Share on Whatsapp
0
0
Coronavirus: A cuminsa horta material pa cuido na Hospital
Coronavirus: A cuminsa horta material pa cuido na Hospital

Desde cu Gobierno a anuncia e prome dos casonan di Coronavirus na Aruba, comunidad a drenta un panico. Na Hospital tur dunado di cuido despues di hopi preparacion tabata cla pa atende cu e pashentnan cu ta sospechoso of ta positivo, pues a drenta den e modo di “all hands on deck”. Loke si no a spera ta e situacion cu Hospital a haya su mes aden awo, pues cu hendenan ta bay cu articulonan cu ta specialmente pa cuido di tur pashent incluyendo nan ser keri.

A cuminsa horta diferente articulonan di Hospital y hiba nan sin autorisacion, manera papel di WC, mask, hand sanitizer y mas. Hospital ta haya su mes obliga di bin cu medida pa loke ta siguridad na salida di Hospital pa garantisa siguridad di tur pashent, dunadonan di cuido y comunidad di Aruba.

Por fabor tene bon na cuenta cu Hospital mester di material pa brinda cuido medico na su pashentnan. Desde awe lo controla tur hende na salida di Hospital pa salvaguardia e articulonan necesario pa por sigui brinda cuido sigur.

Pa minimalisa e riesgo di contagio ta permiti solamente 1 bishitante pa cada pashent y tene na cuenta e mester ta mayor di 18 aña. Y si e pashent ta COVID-19 positivo of sospechoso ta permiti solamente 1 bishitante fiho, pues e mesun persona so mag di keda bishita e pashent.

Miembronan di siguridad na Hospital lo cuminsa controla tur hende na salida, tanto pashent como bishitantenan. Esaki pa evita cu ta horta material escencial pa maneho di Hospital y pa por brinda cuido na pashentnan.

Corda haci uzo di nos hand sanitizers na Hospital prome y despues di bishita bo ser keri. Si bo tin un di sintomanan di Coronavirus por fabor no bishita Hospital, sino keda cas y yama e number 280 0101.

Dr. Horacio E. Oduber Hospital ta gradici un y tur pa nan comprension y ta spera di por conta riba cooperacion di tur cu ta drenta Hospital.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.