fbpx
December 03, 2022

Departamento di Impuesto ta inicia plan di contingencia en conexion cu Coronavirus

Share on Facebook
Share on Whatsapp
0
0
Departamento di Impuesto ta inicia plan di contingencia en conexion cu Coronavirus
Departamento di Impuesto ta inicia plan di contingencia en conexion cu Coronavirus

Awe Departamento di Impuesto (DIMP) a anuncia inicio di e plan di contingencia en conexion cu e pandemia Coronavirus (COVID-19). E obhetivo principal ta pa preveni contagio y combati e propagacion di e virus den su facilidadnan den bienestar di tur contribuyente, coleganan y pueblo en general.

IMPACTO RIBA SERVICIONAN
E plan di contingencia aki lo limita servicionan cu Departamento di Impuesto normalmente ta brinda y lo anuncia ahustacion y limitacion di servicio referente declaracion di impuesto y primanan social, pagonan di impuesto y primanan social y tambe otro servicionan cu e organo gubernamental aki ta brinda.

SALUD NA PROME LUGA
E plan di contingencia ta wordo strategicamente prepara pa reduci contacto entre persona pa medio di limita entrada pareu di hende den facilidadnan, mantene distancia entre cliente y coleganan, como tambe restringi acceso innecesario of na personanan cu ta presenta simptomanan.

Operacion continuo di Departamento di Impuesto ta un prioridad pa Aruba pa por enfrenta e retonan nos dilanti. Den transcurso di e siguiente oranan Departamento di Impuesto lo anuncia servicionan afecta riba www.impuesto.aw y riba su pagina di Facebook.

https://www.impuesto.aw/como-medida-di-prevencion-di-contagio-cu-corona-virus-tur-servicio-di-dimp-ta-wordo-limita-entrante

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.