fbpx
December 03, 2022

Ocho Hulandes a fayece riba un dia debi na Coronavirus

Share on Facebook
Share on Whatsapp
0
0
Ocho Hulandes a fayece riba un dia debi na Coronavirus
Ocho Hulandes a fayece riba un dia debi na Coronavirus

E cantidad di personanan na Hulanda cu a fayece debi na coronavirus a subi pa 20. Y den un solo dia a fayece 8 Hulandes a causa di esaki.

Cu e 176 casonan nobo di contagio, e cifra di personanan infecta cu covid-19 a yega na 1135, segun cifranan divulga door di Rijksinstituut voor Volksgezondheid en Milieu (RIVM).

Diasabra 8 pashent den e edad di 59 pa 94 aña a fayece door di coronavirus. Mayoria di nan ta mas bieu cu 70 aña y tin otro problemanan di salud. En total tin awo 20 persona cu a fayece na Hulanda debi na e malesa aki, y tin 162 pashent interna den hospital.

Den e ultimo 24 oranan e limite di mil contagio a wordo surpasa na Hulanda. E cifra real ta hopi mas halto, mirando cu e miembronan di famia di pashentnan di corona no ta wordo getest mas, Esaki ta valido tambe pa esnan cu tin kehonan leve, ya cu nan mester keda cas for di momento cu e prome sintoma manifesta su mes.

Hobennan

Casi cincuenta pashent di e grupo cu ta critico, mayoria di nan ta bou di cincuenta aña. Y tin hoben bou nan tambe. Un di e pashentnan hoben ta un mucha homber di 16 aña, kende semper a goza di bon salud. Y awo e ta riba aparato pa hala rosea den cuido intensivo.

Segun calculonan haci, rond di 6000 persona na Hulanda ta infecta of tabata infecta, segun director di Salubridad Publico Sjaak de Gouw.

Mundialmente

Mundialmente e cantidad di fayecidonan ta yegando seis mil. Mas cu 156 mil persona ta infecta, 74 mil pashent a recupera di e covid-19.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.