fbpx
December 02, 2022

Parlamentario Tevreden: Gobierno lo atende cu supermercadonan cu ta abusa di prijs

Share on Facebook
Share on Whatsapp
0
0
Parlamentario Tevreden: Gobierno lo atende cu supermercadonan cu ta abusa di prijs
Parlamentario Tevreden: Gobierno lo atende cu supermercadonan cu ta abusa di prijs

Ora cu pueblo a sali hasi compras pa por tin comestibles y otro productonan pa hygiena na cas, algun comerciante a haya cu ta bon pa hisa prijs ariba articulonan manera hand sanitizer y alcohol pa desinfecta. Net e productonan cu e pueblo tin mester pa por mantene nan mes protegi for di riesgo di contagia cu e corona virus.

Mas cu claro atraves di e medionan social manera Facebok bo a mira y lesa di diferente casonan rond di nos isla y por a comproba cu mayoria minimarket tawata esnan cu ta practica esaki.

A CONSULTA CU GOBIERNO MES ORA
Segun parlamentario Tevreden, e informacion aki a wordo treci na gobierno mesora y apesar cu e precupacion ariba e virus ta grandi, minister di finansas sra. Xiomara Maduro a duna e topico aki atencion di biaha.
E mensahe tawata fasil pa comprende. Nos pais ta pasando den momentonan dificil y gobierno no lo accepta cambionan den prijs di productonan sin mas. minister Maduro a haci un apelacion na e sentido civico y e responsabilidad mutuo cu nos mester tin ora cu un dificultad ta toca nos Pais. Y tambe a haci un apelacion fuerte na comercio en especial esnan cu a actua di tal forma, pa no usa e momento di crisis como oportunidad pa hisa prijsnan innecesariamente.

LO ATENDE TUR ESNAN CU TA ABUSA
Gobierno ta hayando informacion di tiendanan cu ta subi prijs di productonan cu ta afor di e canasta basico. Pero en bista di e abuso cu ta wordo haci, desde awe tur tienda cu ta abusa di prijs, nan tienda lo wordo exponi publicamente pa asina e consumidor por sa na unda pa no bai hasi compras pa cuminsa.
Tambe e minister a hasi un apelacion pa e consumidor cu topa cu abuso, saca potret y pone e nomber y manda esaki via e APP – Control di Prijs pa asina Departamento Economico por bay over na publica e nomber. Tambe por expone e abuso riba medianan social pa asina mas consumidor por ta alerta y evita cu nan tambe lo pasa den mes experiencia.

DEPARTAMENTO ECONOMICO CU CONTROL INTENSIVO
Desde otro siman control di prijs lo wordo intensiva den tur tienda, minimarket y supermercadonan. Esnan cu ta hisa prijs ariba canasta basico lo core risiconan serio pa por continua na hasi negoshi mirando cu gobierno no lo tolera tipo di practicanan aki.
Parlamentario Tevreden ta satisfecho di mira cu gobierno a tuma e peticion aki na serio y lo actua rapido pa coregi e situacion aki.
Finalmente un nota na nos pueblo consumidor. Si bo ta constata cu tin abuso di prijs o cu e negoshi ta aparece riba e app o relato oficial di Departamento Economico, evita di cumpra na e tienda ey. Pa asina e comerciante tambe realisa cu si e no ta husto cu esnan cu ta cumpra serca dje, e lo perde benta.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.