Coronavirus su efecto ta ser sinti tur caminda, no solamente den salubridad. E preocupacion ta grandi pasobra e economia di cada empresa y pais, tambe ta bay wordo afecta. Edwin Coutinho, director di operacion di The Casino, a papia di e prevencion cu gerencia a tuma pa proteccion di nan huespednan y empleadonan. Nan ta sigui tur desaroyo di coronavirus mundialmente, pero tambe nan ta reuni den forma regular entre ehecutivonan den sector hotelero y AHATA.
Ta haciendo tur locual ta pidi pa haci. Esaki ta nifica desinfecta e mashinnan continuamente, tin sanithizer pa clientenan, ta papia cu empleadonan pa laba man cada mey ora. Pero tambe pa haci uzo di sanithizer. “Nos kier pa nos huespednan sa cu nos ta sigui debidamente tur e peticion di autoridadnan concerni pa evita e COVID-19,” e ehecutivo a bisa.
Mirando e medidanan di precaucion tuma, clientenan por sinti cu nan ta sigur den The Casino pa sigui disfruta di tur e wega y mashinnan cu tin eyden. Hasta tin hende pa contesta cualkier pregunta cu clientenan por tin. Ora cu drenta por mira cu tur rond tin e likido pa haci man limpi. “Tur cos pa haci bishita di nos clientenan mas “safe” posibel”. Asina cu un persona caba di uza un mashin, ta pasa desinfectante. Pues e portanan ta habri pa ricibi e clientenan.
