fbpx
November 29, 2022

Careda di King of the Ring lo sigui mas laat den aña y tur hende ta haya placa bek

Share on Facebook
Share on Whatsapp
0
0

Na sede di D22 tabata tin un preparacion grandi pa loke ta e evento di brommer na Palo Marga y ridenan riba caya. Ta trata di e evento King of the Ring, pa loke ta actividadnan di fever riba Palo Marga. Pero tur cos a tranca na momento cu a haci un anuncio cu ta un situacion mundial.

Awo, e promotor di e evento, Encho, ya caba a anuncia cu tur coredor di brommer cu a inscribi pa King of the Ring por pasa busca nan placa bek.

No ta bay warda te dia 31, awe mes bo por bin cu bo carchi, entreg’e y bo ta haya bo cen bek. Esnan cu a inscribi cu a haya banchi, entrega esaki bek. Tambe e sponsornan cu tambe ta den e evento, nan ta bay ricibi un carta di e promotor y nan lo haya nan rekisitonan bek. Tur hende cu a yuda den e evento, tur lo haya un contesta. Esnan cu a cumpra ta haya nan cen bek, manera ya menciona.

Tur persona cu a inscribi pa King of the Ring por pasa busca nan placa bek

Posted by 24ora on Monday, March 16, 2020

Naturalmente tin hopi gasto envolvi, pero ta compronde e situacion. Ora cu wak bon, no por bringa malesa. Ta trata aki di un malesa cu tur kier cuida otro. Durante di e dianan tras di lomba mes por mira con caya a bira.

Awe ta un siman nobo y no tin nada mas dushi cu bo por haya bo cen bek, despues di un fin di siman un poco confuso.

D22 ta bay bin cu e evento aki prome cu aña caba. E lo bira mas grandi di dia 15 cu e mester a tuma luga. Contento nan ta si di e reaccion pa loke ta e preparacion pa e evento aki. E reaccion y interes tabata grandi.

Hasta esnan di Merca a acerca cu nan mes kier bin participa. Ta algo nobo esaki ta. Ora para keto y sinta pensa, mester realisa cu nos mester cuida nos hendenan. Encho ta mira Aruba como su ruman. Awe den un rueda di prensa a dicidi cu tur hende ta haya nan cen bek y pone otro fecha.

Asina ta keda pendiente pa mas informacion riba e evento aki y tambe pa ki dia esaki lo tuma luga.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.