fbpx
November 29, 2022

Coronavirus: Taxistanan lo haya un knockout den e proximo dianan pio 911

Share on Facebook
Share on Whatsapp
0
0
Coronavirus: Taxistanan lo haya un knockout den e proximo dianan pio 911
Coronavirus: Taxistanan lo haya un knockout den e proximo dianan pio 911

Un di e gruponan den comunidad cu sigur lo wordo mas afecta ta e taxistanan, kendenan ta practicamente biba di turismo. Linda Orman, chauffer di taxi 227 a conta, mirando e ultimo desaroyo riba coronavirus, cu nan lo bay haya un knockout.

Decision cu gobierno a tuma, ta pa proteccion y salvaguardia e ciudadanonan di Aruba. Ta algo cu no por discuti riba dje. E siman aki ainda no tin turista na Aruba, pero despues di e siman aki ta bay dal den 0 turista, cual ta bay ta prome biaha den historia cu esaki ta bay sosode.

Mercado di e taxistanan ta turismo. Autobus y Arubus tin e mercado local cu ta mescla cu turismo, pero nan tin mayoria di e localnan. E taxistanan lo bay sinti e efectonan mas grandi. A pasa den September 11, a pasa den 4 pa 5 dia sin vuelo, pero tabatin turista na Aruba. Tabata tin movecion toch.

Coronavirus: Taxistanan lo haya un knockout den e proximo dianan pio 911

Coronavirus: Taxistanan lo haya un knockout den e proximo dianan pio 911. Click e link pa mas https://24ora.tv/38VxHu7

Posted by 24ora on Monday, March 16, 2020

E biaha aki e ta bay ta full diferente y despues di S-11, e aña ey mes, no a sinti e efecto, sino e aña despues. E mesun aña di S-11, e hendenan no por a cancela mas pa perdida di nan placa. E siguiente aña si a sinti e efecto di dje.

A bin hopi menos hende. E tempo ey nan tabata bay cu no mucho placa cas. Por lo menos nan tabata tin algo pa bay cas cun’e, maske cu e ta tiki, pero nan tabata gradicido di esey.

Aworaki ta bay dal den 0, cu nan ta yam’e knockout y Orman ta keda stress riba dje. E ta bay ta hopi dificil.

Ta spera cu tur hende ta bay tin comprension cu e situacion di e taxistanan. Pa Gobierno tene nan na cuenta, comerciantenan, y tur otro instancia tene cuenta cu nan situacion.

E taxistanan tur ta hunto den e boto aki y ta hayando un knockout. Pero despues lo lanta bek y lo sigui cu e lucha. “Ta sigui cu e trabao y cuminsa perform nan trabao. Aunke nan lo ta un tiki manca y blausa, lo lanta bek y percura pa lanta nos turismo bek manera semper,” Orman a bisa.

Di e informacion suministra, ta bay tin un shot down te dia 31 di maart. E taxistanan ta pidi pa nan wordo scucha prome cu e siguiente decision cay. Tin cu pone tur hende realisa riba e situacion pasobra nan tin e frontline cu tin e turista cu nan pa minuutnan largo. E taxistanan ta esnan cu ta combersa cu e turistanan. Nan sa kico nan gusto ta, nan sa kico ta nan preocupacionnan, ta intercambia di idea cu nan ora cu ta cu nan den auto. Ta haci esaki pasobra nan kier feedback di loke e turista ta pensa y nan ta sinti cu ora cu e ta na Aruba tin cu papia cu e taxistanan. Mester sinta cu e taxistanan, segun Orman. Nan tin e prome informacion di loke un turista kier of ta sinti of kier experencia na Aruba.

Asina ta prome cu dia 31 di maart, tene e taxistanan na cuenta, consulta cu nan prome cu tuma e proximo decision.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.