fbpx
December 04, 2022

Den pleno crisis: Duana ta atende carga di prome necesidad so!

Share on Facebook
Share on Whatsapp
0
0
Den pleno crisis: Duana ta atende carga di prome necesidad so!
Den pleno crisis: Duana ta atende carga di prome necesidad so!

Aunke cu Minister Presidente mr. Evelyn Wever a sigura cu tin suficiente carga na Aruba pa por abastece e mercado local y cu tin mas carga na caminda, toch e no a tene na cuenta cu e decision pa minimalisa funcionamento di Gobierno lo tin consecuencia pa nos economia awo. Carganan por wel di ta na caminda, pero Departamento di Duana a anuncia mesora cu nan lo no procesa e carganan toch!

Den un carta oficial na tur agencia di carga, Director di Departamento di Duana, Roderick Croes a informa cu riba instruccion di Gobierno, nan lo traha riba capacidad minimo. Lo pasa aangifte solamente di productonan di prome necesidad, limpiesa y higiena. Tambe lo haci excepcion pa productonan vital destina pa WEB y Hospital.

E informacion aki a cay den masha mal tera cerca comercio, cu precisamente na e momento aki ta pasando den momentonan dificil y awo sin carga ta corta nan posibilidad pa por bende, pa por haya entrada y asina paga nan trahadonan. Algun a protesta cu na momento Gobierno corta den servicio di Duana, Bo ta cortando automaticamente den henter comercio.

Na Aruba ta importa practicamente tur producto for di exterior y dor di stroba e proceso aki di importacion, Gobierno ta haya menos placa aden di impuesto y atrobe…e comerciante no por bende pa por haya entrada y cumpli cu su debernan. Por lo menos dos di e comerciantenan cu a yama awe a indica cu nan lo tabatin intencion di purba wanta trahadonan na trabou den e crisis aki, pero awor cu Duana a informa cu riba instruccion di Gobierno lo brinda servicio limita, cu nan ta haya nan forsa awo si pa laga mayoria trahado bay cas y warda te dia cu miho temponan presenta.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.