Dialuna anochi na e t-weg di Primavera pabou di Arubus ta sosode un accidente entre un nissan march y un suzuki ciara, debi cu e chauffeur di e march no a duna preferencia. Debi na e impacto un persona femenino a resulta levemente herida. Polis di trafico tabata presente pa tuma dato, y personal di ambulance a acudi na e sitio pa atende cu e victima. Daño material tabata considerabel y roadservice a keda encarga pa atende cu e accidente.
