fbpx
December 06, 2022

KvK lo sigui duna servicio, pero limitando e contacto fisico

Share on Facebook
Share on Whatsapp
0
0
KvK lo sigui duna servicio, pero limitando e contacto fisico
KvK lo sigui duna servicio, pero limitando e contacto fisico

Camara di Comercio y Industria Aruba (KvK) kier informa
cu en bista di e situacion delicado cu Aruba ta wordo confronta cune a causa di
e COVID-19 (Corona virus) for di awe te cu dia 31 di maart, KvK ta haci algun
cambio den e forma di duna servicio na publico.

KvK kier evita aglomeracion y contacto fisico cu
posibilidad di contacto cu persona cu por tin simptomanan di e virus.

KvK lo limita su servicio pa publico. P’e periodo
menciona KvK lo no brinda servicio na balie na publico. Tur e servicionan di
KvK lo bay ta disponibel via e opcionnan digital cu KvK ta ofrece. Te cu dia 31
di maart KvK lo atende cliente solamente via su portal MyChamber, e-mails y
telefon. KvK ta mantene e situacion aki te cu proximo aviso.

Tur servicio di KvK ta disponibel via e portal MyChamber
cu ta accesibel via www.arubachamber.com. Via MyChamber
por maneha tur registracion y cambionan di bo negoshi. Pagonan por wordo haci
cu creditcard, online of den forma di un bank transfer. Banda di esaki por semper
contact KvK via 582-1566 y [email protected].

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.