Dialuna den oranan di merdia, tabatin un caso den cual e conocida Naduiska Santana Marques, alias La Poderosa, Carolina di Patruya#37, a sali cu un smile riba su cara, despues cu e mester a presenta dilanti Hues Comisario pa toets si su detencion ta cumpli cu ley. E dama aki tabata acompaña pa un otro dama mas, ambos mester a presenta.
Mas
tempran e van di Guarda Nos Costa a trece e conocida dama aki na Corte di Husticia
y despues cu el a presenta dilanti Hues Comisario. El a wordo transporta bek pa
Guarda Nos Costa.
Prensa
den prome instante a trata di tuma contacto cu sra. Trudy Hassel, pero no a
logra pa motibo cu sra. Hassel tabata den un reunion, pero un rato despues prensa
a haya un voicenote cu tur e informacion corecto.
Na
yegada na Guarda Nos Costa, La Poderosa a baha cu un smile grandi di orea pa
orea gritando ”Sali libre”.
Nan
detencion no tabata corecto, segun Huez Comisario, pasobra na momento di nan detencion,
nan tabata na Aeropuerto caba pa bandona Aruba, no pa Venezuela, pero pa
Colombia.
Esaki
tabata pa motibo cu a detene nan na Aeropuerto pero no ta biahando pa Venezuela
pero un otro destinacion.
Huez
Comisario a mustra cu e detencion haci y e encarcelacion no tabata hustifica,
pero Huez Comisario a sostene e ordo pa expulsanan riba e proximo siguiente
avion. Pero como frontera ta sera, no tin avion pa hiba nan ningun parti, e
ordo a keda vigente, ta ora cu posibilidad presenta. Pa Trudy Hassel, esaki
tabata loke e kier, pesey el a opera asina, y a logra su meta, esta e damanan
aki hamas y nunca lo por bolbe Aruba.
E
damanan aki nan peticion pa asilo a wordo nenga y mester bay for di Aruba. La
Poderosa, Carolina di patruya #37, no mester keda deteni mas, cera den un cel
na Guarda nos Costa, pero Carolina di patruya #37, La Poderosa etc. mas liher posibel
lo mester bandona Aruba y pa por lo pronto no por regresa mas.
E
meta principal di e detencion di e damanan aki tabata pa nan wordo expulsa
mirando e dañonan ocasiona na Aruba y tambe nan a burla di Gobierno y
autoridad.
