Aunke Hues a dicta cu detencion tabata ‘onrechtmatig’
* Peticion di asilo ta nenga y nan ta ilegal
ORANJESTAD (AAN): Directora di Guarda Nos Costa, Trudy Hassell dialuna atardi a informa cu den oranan di merdia e dos muhernan conoci pa patruya 37, a wordo hiba conforme cu leynan, dilanti Hues Comisario pa toets nan detencion si tabata corecto si of no y ta mara tambe na deportacion.
Hassell a laga sa cu Diasabra ultimo Guarda Nos Costa a bay aeropuerto y a detene e personanan aki momento cu nan tabata cla pa sali di Aruba.
Mesora a haci e detencion cu un meta pa garantisa cu e personanan aki por lo pronto no por regresa Aruba. E meta di esaki tabata pa e personanan no regresa Aruba por lo pronto.
Nan a keda deteni na aeropuerto y hiba Guarda nos Costa y mesora a traha nan bevel in bewaringstelling y expulsion.
E informacion ta mustra cu Dialuna merdia, Hues Comisario a tuma su decision unda el a bisa, cu mirando cu a detene e personanan na aeropuerto, na unda nan tabata bayendo afo, y no bayendo Venezuela na unda nan mester a bay, pero tabata bayendo otro pais, Hues a haya cu no mester a detene nan. Esey a haci cu e bewaringstelling ta onrechtmatig. Pero si e orden pa expulsion ta keda vigente y esey por wordo ehecuta.
Pa Trudy Hassell esey ta e meta principal di e detencion di Guarda Nos Costa pa cu e muhernan aki mira e daño cu nan a causa na pais Aruba. Esaki a trece cune, cu nan peticion pa asilo a wordo nenga y e momento ey nan a cay den e pool di personanan ilegal na Aruba y nan mester a sali pa nan pais di origen.
Awor aki e personanan aki lo wordo expulsa y por lo pronto no por regresa Aruba. Pa Guarda Nos Costa nan meta ta cumpli, Hassell a duna di conoce.
