ORANJESTAD (AAN): Riba Dialuna anochi trempan, Obispo Mr. Luis Secco a revela cu un decision a ser tuma pa asina reduci cu e brote di Coronavirus Covid-19 ta sigui plama. Pesey e decision aki a ser tuma pa stop tur mira entrante Dialuna 16 di Maart 2020.
Iglesia Catolico na Aruba a cuminza dia 1 di Maart caba cu medidanan pa pidi tur hende pa no duna otro paz mas ora di misa, y tambe cu lo no pone awa bendita na entrada di porta di misa.
Siguiendo e informe oficial di cada Gobierno local di e seis islanan, y tumando na cuenta e importancia di no tin aglomeracion di hende pa asina yuda contene e virus aki, a reuni cu demas Obisponan den region, y tambe di otro paisnan, y a tuma un decision encuanto celebracion liturgico den Iglesia Catolico.
Nan ta pospone tur esaki, y tambe actividadnan di caracter formativo, katisashi, prosecionnan, fiestanan parokial, y actonan religioso publico di awor te na proximo aviso. Lo keda duna si Sacramento di Enfermo.
