fbpx
December 04, 2022

Pensamento mixto entre Taxistanan riba situacion actual

Share on Facebook
Share on Whatsapp
0
0
Pensamento mixto entre Taxistanan riba situacion actual
Pensamento mixto entre Taxistanan riba situacion actual

Dialuna mainta ta habri den un situacion inusual despues cu Gobierno a declara un “lockdown”  pa  Aruba. Tin persona cu ta sumamente preocupa y otronan cu tin un pensamento diferente. Den entrevista cu 24ora.com esaki ta locual algun taxista a expresa.

Un situacion nobo cu nos ta bibando, pero ta algo cu por a spera mirando cu ta algo mundial. Caminda cu cada persona mester ta prepara pa un eventual caso di contagio, ta reaccion di Benedicto Martin Ridderstap, Taxi 323

Pensamento mixto entre Taxistanan riba situacion actual

Pensamento mixto entre Taxistanan riba situacion actual. Click link pa mas https://24ora.news/33oarnc

Posted by 24ora on Monday, March 16, 2020

Locual ta sentimento di e turistanan, “the worst part is to leave the Island because we had a very good time” y cu hopi elogio pa nos amabilidad/ hospitalidad y e trato cu nos a duna nan, pa asina conta cu turistanan contento na momento di bandona nos isla pero cu lo regresa Aruba pronto tambe.

Pa locual ta trata e informacion cu frontera lo ta cera cuminsando diamars en adelante, Benedicto ta duna un ehemplo cu e bieunan semper a uza “ esun cu traha lo tin, semper tin cu traha un dam warda un tiki awa” y e ta keda na cada ken pa sa kico pa haci. Un poco dificil pero ora tin manteca tin pan cu manteca y si no tin ta pan seco, baha e tin cu baha y mas sigur e lo baha bon paso no por kibra hero cu man.

Nos tur tin di adapta nos mes, no sinta warda e golpi bin anto e ora ey bay prepara pasobra e ora ey ta laat. E homber eyriba ta haci tur cos, e ta kinipi bo pa bo corda cu e t’ey. Palabra di suerte na demas colega y ohala por tuma conseho di biba semper prepara, e taxista a bisa.

Di otro banda Shinton Arends kende tambe ta eherce / labora como Taxista ta haya e situacion basta serio. Te na e momento aki no a mira e realidad ainda, tin cu warda e “flow” baha completo pa asina por duna un contesta riba kico ta bay haci. Ta keda na cada taxista pa dicidi si ta subi caya of si ta keda cas pa e tiki trabou cu ta bay tin y move cu esey. Ta bisa cu e noticia di e “lockdown” no tabata un sorpresa, ya cu e ta informacion cu a bin dilanti den reunion y cu lo tuma e decision ey un dia pa otro. Naturalmente dificil pero miho hacie awo cu lamenta despues.

E ta bisa cu tin cu tuma e situacion trankil y haci lo miho posibel cada ken pa nan mes. Mayoria di turistanan no ta mustra di ta ancioso, nan ta riba vacantie a disfruta, pero bayendo cas awo lo sigui e noticia mas di cerca, pero mayoria ta trankil.

Shinton, igual cu hopi hende riba nos isla tambe a tuma metodo di precaucion, ta uza sanatizer, ta percura pa niun hende sinta dilanti den auto pa preveni e social contact y ora di bisa ayo / danki no ta duna man ni nada y tur hende ta di acuerdo cu esaki.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.